یہ لوگوں کے دلوں کو جیتنے کے ہدف کے خلاف: سابق فوجی سربراہ
یواین آئی
سرینگرہندوستان کے سابق فوجی سربراہ جنرل وید پرکاش ملک نے کہا ہے کہ سری نگر۔ جموں قومی شاہراہ کو سیول ٹریفک کے لئے ہفتے میں دو دن بند رکھنا خیال ناقص ہے۔قومی شاہراہ کو سیول ٹریفک کے لئے ہفتے میں دو دن بند رکھنے کے سرکاری فیصلے پر رد عمل ظاہر کرتے ہوئے سابق فوجی سربراہ نے کہا ‘قومی شاہراہ پر سیول ٹریفک کی نقل و حمل پر ہفتے میں دو دن پابندی عائد کرنا خیال ناقص ہے۔ یہ لوگوں کے دلوں کو جیتنے کے ہدف کے خلاف ہے، انتظامیہ کو اس کے سود وزیاں کو ملحوظ نظر رکھنا چاہئے’۔قابل ذکر ہے کہ وادی میں مقیم فوج کا کہنا ہے کہ انہیں قومی شاہراہ ہفتے میں دو دن فوج کی نقل و حمل کے لئے مخصوص رکھنے کے بارے میں کوئی جانکاری نہیں ہے جبکہ مرکزی وزیر داخلہ راجناتھ سنگھ کا کہنا ہے کہ قومی شاہراہ کے بارے میں لئے گئے اس فیصلے کو واپس نہیں لیا جائے گا۔گذشتہ ہفتے جاری کئے گئے حکم نامے کے مطابق سری نگر۔ جموں قومی شاہراہ شمالی کشمیر کے ضلع بارہمولہ سے خطہ جموں کے ادھم وپور تک ہفتے میں دو دن اتوار اور بدھ وار فوجی قافلوں کی نقل وحمل کے لئے مخصوص رہے گی اور یہ حکم نامہ 31 مئی تک نافذالعمل رہے گا تاکہ انتخابات کے دوران سیکورٹی فورسز کی نقل وحمل کو یقینی بنایا جاسکے۔
