ایس ٹی، ایس سی ،او بی سی کنفیڈریشن نے ضلع اور تحصیل سطح پر تقاریب کا کیا اہتمام
لازوال ڈیسک
جموںآل انڈیا کنفیڈریشن برائے ایس ٹی، ایس یس اور او بی سی کی جموں اکائی نے یہاں ڈاکٹر بھیم راﺅ امبیڈکر کے جنم دن کے موقع پر ضلع اور تحصیل سطح پر تقاریب کا اہتمام کرتے ہوئے امبیڈکر کو خراج عقیدت پیش کیا ۔اس ووران شرکاءنے کہا کہ ان کے مطالبات کا ازالہ کیا جائے جبکہ تمام اکائیاں صدر جمہوریہ اور گورنر کو یاداشت بھی پیش کریں گی۔اس سلسلہ میں کنفیڈریشن کے ریاستی صدر آر کے کلسوترہ نے اپنے ایک بیان میں کہا کہ ریاستی حکومت صدر جمہوریہ کے حکمنامے کا نفاذ نہیں کر رہی ہے جس میں سرفرازی میں رزرویشن دی گئی تھی جس کیلے طبقہ متواطر جد و جہد کر رہا ہے ۔انہوں نے کہا کہ اپنے مطالبات کیلئے کئی مرتبہ اسمبلی گھیراﺅ، سیکٹریٹ گھیراﺅاور وزیر اعلیٰ کی رہائش گاہ تک مارچ کئے گئے ۔موصوف نے کہا کہ اگر یہ حکمنامہ گورنر موصوف تک پہنچ چکا ہے تو دیر کیوں کی جا رہی ہے ۔انہوں نے کہا کہ ریاستی گورنر اس حکمنامے کو جلد نافذ کریں۔اس موقع پر محمد شریف بجاڑ، جی ڈی چلوترہ، ست پال بھگت، سرفراز چوہان ، دیو راج اور مدن لال و دیگران موجود تھے۔
