اکبر لون کو ’پاکستان زندہ باد‘کہنے کی پاداش میں نااہل قراردیا جائے: بی جے پی
یواین آئی
بارہمولہبی جے پی کے ریاستی جنرل سکریٹری اشوک کول نے نیشنل کانفرنس کے بارہمولہ پارلیمانی نشست کے امیدوار اکبر لون کے مبینہ طور پاکستان زندہ باد نعرہ دینے کو ووٹ حاصل کرنے کی ایک چال سے تعبیر کیا ہے۔انہوں نے پیر کے روز یہاں نامہ نگاروں کو بتایا کہ ایک ایسا شخص جو حلف بھی اٹھاتا ہو اور اسمبلی کا اسپیکر بھی رہا ہو کے لئے ایسا کرنا ٹھیک نہیں ہے۔کول نے کہا کہ لون کی اس حرکت کو ملک کا کوئی باشندہ برداشت نہیں کرے گا یہ لوگ گرگٹ کی طرح رنگ بدلتے ہیں۔انہوں نے کہا کہ چنا¶ کے موقعہ پر ایسی باتیں کرکے یہ لوگ صرف ووٹروں کو لھبانے کی کوششیں کررہے ہیں۔انہوں نے کہا کہ لون کا یہ کہنا کہ میں نے اسمبلی میں بھی پاکستان زندہ باد کے نعرے لگائے اور بہادر ہوگیا ہوں، کا مقصد ووٹروں کو اپنی طرف کھینچنا ہے۔دریں اثنا بی جے پی نے لون کے خلاف ایف آئی آر درج کرنے اور انہیں انتخابات سے نااہل قرار دینے کا مطالبہ کیا ہے۔ادھربھارتیہ جنتا پارٹی نے نیشنل کانفرنس کے بارہمولہ پارلیمانی نشست کے امیدوار محمد اکبر لون کو ایک ریلی سے خطاب کے دوران مبینہ طور پاکستان کے حق میں نعرے بلند کرنے کی پاداش میں انتخابات کے لئے نا اہل قرار دینے کا مطالبہ کیا ہے۔واضح رہے کہ نیشنل کانفرنس کے بارہمولہ کی پارلیمانی نشست کے امیدوار محمد اکبر لون نے ایک عوامی ریلی میں کہا کہ وہ پاکستان اور ہندوستان کے درمیان دوستی کے عاشق ہیں۔بی جے پی کے ترجمان الطاف ٹھاکر نے چیف الیکشن آفیسر جموں کشمیر سے محمد اکبر لون کے خطاب کا سنجیدہ نوٹس لینے کی اپیل کی ہے۔بی جے پی نے جموں کشمیر کے چیف الیکٹورل آفیسر کے نام ایک مکتوب ارسال کیا ہے جس میں کہا گیا ہے کہ نیشنل کانفرنس کے بارہمولہ کی پارلیمانی نشست کے امیدوار محمد اکبر لون نے ایک خطاب میں ‘پاکستان زندہ باد’ کا نعرہ بلند کرکے ملک کی توہین کی ہے۔مکتوب میں کہا گیا کہ اکبر لون کے اس خطاب سے نہ صرف جموں کشمیر کے لوگوں کے بلکہ ملک کے عوام کے جذبات مجروح ہوئے ہیں۔الطاف ٹھوکر نے مکتوب کے ذریعے ریاست کے چیف الیکٹورل آفیسر سے اپیل کی ہے وہ لون کے خطاب کا سنیجیدہ نوٹس لے جس کا ویڈیو سوشل میڈیا پر دستیاب ہے۔دریں اثنا بی جے پی کے ایک اور لیڈر محمد مقبول وار نے کہا ہے کہ محمد اکبر لون کے خلاف مبینہ طور پاکستان زندہ باد کا نعرے بلند کرنے پر ایف آئی آر درج کیا جانا چاہئے۔وار نے کہا کہ لون ہندوستان کے خلاف بیانات دے کر ووٹ حاصل کرنے کے لئے ڈرامہ بازی کررہے ہیں۔
