مختلف قسم کے اسٹال کی نمائش کے ساتھ ساتھ شان ِ جمہوریت کے نام پر کسانوں کو بیدار بھی کیا گیا
عمرارشدملک
راجوری ´// محکمہ زراعت کے اہتمام سے راجوری صدر مقام میں نمائش و کسان میلہ کا انعقاد کیا گیا ۔ میلہ کا افتتاع ضلع ترقیاتی کمشنر راجوری محمد اعجاز اسد نے کیا جبکہ ایس ایس پی راجوری یوگل منہاس اور چیف ایگریکلچرل آفیسر راجوری محمد یونس چودھری خاص طور پر موجود تھے۔ تفصیلات کے مطابق ہر سال کی طرح اس بار بھی کسانوں کو بیدار کرنے کے لئے محکمہ زراعت نے نمائش و کسان میلہ کا انعقاد کیا جس میں مختلف قسم کے اسٹال قائم کر کے کسانوں اور کاشتکاروں کو زراعت کے جدید طریقوں کے متعلق جانکاری فراہم کی ۔محکمہ زراعت راجوری نے اپنے ضلع دفتر کے میدان میں شاندار کسان میلے کا انعقاد کیا اور جس میں ضلع راجوری کے تمام دیہی علاقوں سے سرپنچوں نے خاص طور پر شرکت کی اور اس کے علاوہ کاشتکاروں کی بھی بڑی تعداد نے اس میلے میں شرکت کر کے جدید طریقوں سے متعلق جانکاری حاصل کی اور مختلف قسم کی مشینری کا لطف بھی لیا جو آج کے دور میں کسان کے لئے فائدہ مند ہیں ۔وہیں اس موقعہ پر شانِ جمہوریت (SVEEP)کے نام پر میلے میں موجود لوگوں کو ووٹ کی طاقت کے بارے میں بھی جانکاری دی گئی اور سب سے اپیل کی گئی ہے کہ ووٹ سب کا حق ہے اور اپنے حق کا استعمال کرئے اور آئندہ لوک سبھا انتخابات میں اپنے حق کا استعمال کرتے ہوئے اپنے من پسند اُمیدور کو ووٹ دیں ۔ وہیں ضلع ترقیاتی کمشنر راجوری محمد اعجاز اسد نے کسان میلے کے انعقاد کے حوالے سے مختلف گوشوں پر روشنی ڈالی اور کہا کہ موجودہ دور میں زمینداری کرنا بہت آسان ہوگیا ہے کیونکہ آج سائنس نے کافی ترقی کرلی ہے اب صرف کسانوں کو چاہیے کہ وہ اس کا فائدہ اُٹھائے اور محنت کرئے تاکہ ضلع راجوری میں 100فیصد زمین کو کاشتکاری کے لئے استعمال کیا جاسکے ۔ انہوں نے محکمہ زراعت کی ان کوششوں کو زبردست سراہا جو انہوں نے گزشتہ برس کے دوران کاشت کاروں کے لئے سرانجام دیں ۔ اس موقعہ پر چیف ایگریکلچرل آفیسر راجوری محمد یونس چودھری نے بھی محکمہ کی کارکردگی پر تفصیلی روشنی ڈالی اور محکمہ کی مختلف اسکیموں کی جانکاری بھی فراہم دی تاکہ کسانوں کو ہر طرح سے فائدہ حاصل ہوسکے ۔ وہیں محکمہ زراعت کے کے ماہرین نے میلہ میں کاشتکاروں کو سائنسی جانکاری بھی فراہم کی جس سے کسانوں کو فائدہ حاصل ہوسکے ۔
