وسیم ساغر

کتابِ زندگی کا ہر بیاں اشکوں سے نم ٹھہرا
جہاں تک سانس باقی تھی نہ ہم ٹھہرے نہ غم ٹھہرا
قیادت مجھکو الجھاتی رہی صحرانوردوں کی
کہیں میرے قدم ٹھہرے کہیں نقشِ قدم ٹھہرا
جبھی سوچا بیاں کرلوں جو بیتی دل پہ فرقت میں
کہیں کہتے زباں روٹھی کہیں لکھتے قلم ٹھہرا
کتابِ عشق سے مانگی دلیلیں میرے منصف نے
جہاں میری برائت تھی وہی حصہ عدم ٹھہرا
برہنہ پا نکلتے ہیں اذانِ عشق پر بے دل
جہاں گردن پہ بات آئی سرِ تسلیم خم ٹھہرا
ہمیں انکی توجہ زندگی دے کر بھی وارے ہے
ستم کرلیں کرم سمجھوں، کرم تو پھر کرم ٹھہرا
7006452075