اضافی ضلع ترقیاتی کمشنر ریاسی نے جھنڈی دکھا کر ریلی کو روانہ کیا
لازوال ڈیسک
ریاسی عوام میں بیداری لانے کی خاطر پوشن ابھیان کے تحت کوپوشن مکت بھارت کا پیغام عوام تک پہنچانے کیلئے آئی سی ڈی ایس پروجیکٹ ریاسی کی جانب سے ایک سائکل ریلی کا اہتمام کیا گیا ۔اس موقع پر راجندر کمار اضافی ضلع ترقیاتی کمشنر ریاسی نے جھنڈی دکھا کر ریلی کو روانہ کیا ۔وہیں تقریب میں ایک بڑی تعداد میں مقامی عوام، فیلڈ اسٹاف، سپروائزر اور اانگن واڑی ملازمین نے شرکت کی ۔وہیں سائکل ریلی میں ضلع کے کئی آفیسران نے بھی شرکت کی ۔اسی سلسلہ میں اضافی ضلع ترقیاتی کمشنر ریاسی نے اپنے خیالات کا اظہار کرتے ہوئے کہا کہ اس مہم کا مقصد عوام میں صحت ،صفائی اور غزاءکے متعلق جانکاری فراہم کرنا ہے۔انہوں نے کہا کہ آئی سی ڈی ایس اور لائین اسٹاف کو عوام تک پہنچنے کی ضرورت ہے ۔اس موقع پر انجم گنائی سی ڈی پی او ریاسی نے اظہار خٰال کرتے ہوئے کہا کہ ہمارے میںملک ایک خاموش امرجنسی ہے اور وہ بھوک اور غزا کی کمی ہے ۔انہوں نے کہا کہ بچے ملک کا مستقبل ہیں اور انھیں بھوک مری سے بچانا لازمی ہے۔
