بی ڈی اوز کو ہدایت دی کہ وہ اپنے متعلقہ بلاکس میں گرام سوراج ابھیان کے تحت مقررہ سرگرمیوں کو تیز کریں
چودھری محمد اسلم
چھاترو؍؍ایڈیشنل ڈسٹرکٹ ڈیولپمنٹ کمشنر کشتواڑ شام لال نے آج یہاں اپنے دفتر کے چیمبر میں بلاک ڈیولپمنٹ افسران/ اہلکاروں کی میٹنگ کی صدارت کی جس میں ایریا ڈیولپمنٹ پلان 2022-23 کو حتمی شکل دینے کے علاوہ ضلع میں گرام سوراج ابھیان تقریبات کے تحت ہونے والی پیش رفت کا جائزہ لیا۔ میٹنگ میں تمام بلاک ڈیولپمنٹ افسران، ریو ونگ کے جیئز آر ڈی ڈی محکمہ کے تکنیکی معاونین نے شرکت کی۔میٹنگ کے دوران، اے ڈی ڈی سی کشتواڑ نے بلاک وار مسائل اور اے ڈی پی23 -2022 کو حتمی شکل دینے میں درپیش رکاوٹوں پر تبادلہ خیال کرنے کے علاوہ نچلی سطح پر اے ڈی پی کے مختلف پہلوؤں پر تبادلہ خیال کیا۔اے ڈی ڈی سی کشتواڑ نے بلاک سطح کے تمام افسران پر زور دیا کہ وہ اس مالی سال کے لیے ایک فول پروف ایریا ڈیولپمنٹ پلان وضع کریں تاکہ فنڈز کو بھی وقت کے پابند طریقے سے اور کسی کوتاہی کے بغیر استعمال کیا جائے۔انہوں نے میٹنگ میں موجود تمام افسران کو زمینی سطح پر ٹھوس نتائج حاصل کرنے کے لیے اجتماعی اور باہمی تعاون کے ساتھ کام کرنے کی ہدایت کی اور اس بات پر زور دیا کہ رواں مالی سال میں کیے جانے والے متوقع کاموں کے تخمینے فوری طور پر جمع کروائیں تاکہ کام شروع اور مقررہ وقت میں مکمل کیا جا سکے ۔ دریں اثنا، انہوں نے پی ایم اے وائی اور آواس پلس کے ہدف میں کامیابیوں میں پیش رفت کا بھی جائزہ لیا۔ضلع میں پی ایم اے وائی اور آواس پلس کے تحت اہل استفادہ کنندگان کی سیچوریشن کو بغیر کسی پریشانی کے یقینی بنانے کے لیے سخت ہدایات دی گئیں۔بعد میں، اے ڈی ڈی سی کشتواڑ نے ضلع میں گرام سوراج مہم کے تحت ہر پنچایت میں محکمہ دیہی ترقی اور پنچایتی راج کی طرف سے شروع کی گئی مختلف سرگرمیوں کا بھی جائزہ لیا۔اے ڈی ڈی سی کشتواڑ نے آر ڈی ڈی افسران کو ہدایت کی کہ وہ ماہانہ گرام سوراج ابھیان کے تحت 100 نکاتی پروگرام کے تحت طے شدہ سرگرمیوں کو تیز کریں اور ساتھ ہی شفافیت اور جوابدہی کو برقرار رکھنے کے لیے روزانہ کی بنیاد پر کی جانے والی سرگرمیوں کی اعلیٰ معیار کی تصاویر شیئر کرنے کی تلقین کی۔انہوں نے اس پروگرام کو ضلع میں شاندار کامیابی سے ہمکنار کرنے کے لیے ان سرگرمیوں میں مقامی عوام، پی آر آئز اور یوتھ کلبوں کی شرکت کو یقینی بنانے پر بھی خصوصی زور دیا۔
