لازوال ڈیسک
راجوری؍؍بابا غلام شاہ بادشاہ یونیورسٹی، راجوری کے شعبہ مینجمنٹ اسٹڈیز نے عالمی یوم صارف کے موقع پر صارفین کے حقوق پر ایک مدعو لیکچر کا اہتمام کیا جو کہ ہر سال 15 مارچ کو دنیا بھر میں منایا جاتا ہے۔ اس موقع پروائس چانسلربی جی ایس بی یو پروفیسر اکبر مسعود نے لیکچر کے انعقاد پر شعبہ کو مبارکباد پیش کی اور تعلیمی تقریبات کے انعقاد کے لیے خوب سراہا ۔یاد رہے صارفین کے حقوق کا عالمی دن ہر ایک کے لیے منصفانہ، محفوظ اور پائیدار بازار کے لیے صارفین کی طاقت اور ان کے حقوق کو اجاگر کرنے کے لیے وقف ایک سالانہ موقع ہے۔اس دوران پروفیسر اقبال پرویز، ڈین اکیڈمک افیئرزنے صارفین کی طاقت اور ہر ایک کے لیے ایک منصفانہ، محفوظ اور پائیدار بازار کے لیے ان کے حقوق پر روشنی ڈالی۔ انہوں نے ایسی تقریب کے انعقاد پر شعبہ کی کاوشوں کو بھی سراہا۔وہیں ممتا چودھری، سربراہ، شعبہ مینجمنٹ اسٹڈیز نے مقرر کا رسمی طور پر خیرمقدم کیا اور لیکچر کے موضوع کا بھی تعارف کرایا۔اس موقع پر جتندر راناجو پیشے سے ایک وکیل ہیںنے بطور ریسورس پرسن شرکت کی ۔انہوں نے صارفین کے حقوق اور تحفظ صارف ایکٹ پر مدعو گفتگو کی۔ ریسورس پرسن نے صارفین کے حقوق کے بنیادی اور بنیادی ڈھانچے، فریقین کے حقوق اور فرائض اور کنزیومر پروٹیکشن ایکٹ کے گورننگ پیٹرن کے بارے میں تفصیل سے بات کی۔ انہوں نے متعدد امور پر تفصیل سے غور کیا جیسے مطلع کرنے کا حق، سننے کا حق، یقین دہانی کرائے جانے کا حق وغیرہ شامل ہیں ۔تاہم ریسورس پرسن اور شرکاء کے درمیان ایک تفصیلی بحث بھی ہوئی اور شرکاء کے تمام سوالات کو مؤثر طریقے سے حل کیا گیا۔ تقریب میں مختلف شعبہ جات کے سربراہان، مینجمنٹ سٹڈیز کے تمام فیکلٹی ممبران، ریسرچ سکالرز اور طلباء نے شرکت کی۔
