جموںوکشمیر یوٹی میں اَب تک کی سب سے زیادہ 42,879 تقریبات کا اِنعقاد
ؒلازوال ڈیسک
سری نگر؍؍جموںوکشمیر یوٹی کے تمام اَضلاع میں حب الوطنی کے جذبے کا مظاہرہ کرتے ہوئے یوم آزادی کی تقریبات میں 36,85,106 اَفراد کی ریکارڈ تعداد نے شرکت کی۔پنچایت سطح سے کُل 42,879 تقریبات کا اِنعقاد کیا گیا جس میں ہر ایک تقریب میں بڑی تعداد میں لوگوں نے شرکت کی ۔ اِسی طرح کی تقریبات تعلیمی اِداروں ، پٹوار خانوں ، بلدیات ، تحاصیل اور بلاک دفاتر میں منعقد کی گئیں جس میں طلباء ، منتخب نمائندوں اور سرکاری ملازمین کی بڑی تعداد نے شرکت کی۔معمول کی تقریبات کے علاوہ جو دونوں دارالخلافائی اور یوٹی کے ضلعی صدر مقامات میں منعقد کئے گئے تھے جہاں عام لوگوں کو مفت داخلہ دیا گیا تھا۔تقریبات کو کئی دیہاتوں اور قصبوں میں منایا گیا جس نے شرکت کو نئی سطحوں تک پہنچایا ۔ پرچم کشائی کی تقریبات بھی منعقد کی گئیں۔جموںوکشمیر یوٹی کے تمام ڈائریکٹوریٹ ، صوبائی اور ضلعی دفاتر جہاں ہزاروں ملازمین نے قومی جوش و جذبے کے ساتھ شرکت کی۔ نجی اِداروں جیسے صنعتی یونٹوں ، تعلیمی اِداروں اور ہسپتالوں نے بھی اَپنی سطح پر تقریبات کا اِنعقاد کر کے قومی تقریبات میں شرکت کی۔ تمام شعبہ ہائے زندگی سے تعلق رکھنے والے اَفراد بشمول پی آر آئی اراکین ، سول سوسائٹی ، ایس ایچ جیز ،سابق فوجیوں ، نوجوانوں او ردیگر شہریوں نے بھی بڑی تعداد میں شرکت کی۔صوبہ جموں میں مجمووعی طور پر 19,76,255 افراد نے 23,163 تقریبات میں حصہ لیا اور صوبہ کشمیر میں 17,08,851 افراد نے وادی کے اضلاع میں منعقد ہونے والی 19,716 تقریبات میں حصہ لیا۔ شرکأ کی تعداد اور تقریبی ایونٹوں دونوں بذات خود تاریخی ہیں۔ جموں و کشمیر کے لوگوں نے قوم کے تئیں اَپنی عقیدت اور محبت کا اظہار کرنے کے موقعہ سے فائدہ اٹھایا۔وادیٔ کشمیر بارہمولہ میں 3,353 تقاریب میں تقریباً 5,05,909 افراد کی سب سے زیادہ شرکت کی اطلاع دی گئی اور اس کے بعد اننت ناگ میں 2,45,618 افراد نے 2676 ایونٹوں میں شرکت کی۔ کپواڑہ میں سب سے زیادہ 4,993 تقاریب کا انعقاد کیا گیا جس میں 2,34,146 افراد کو موقعہ فراہم کیا گیا اور پلوامہ نے 1,140 تقاریب کا انعقاد کیا جس میں ضلع میں 1,81,195 افراد نے حصہ لیا۔صوبہ جموں میں سب سے زیادہ لوگوں کی شرکت راجوری ضلع میں دیکھی گئی جہاں 3,95,916 افراد نے 7,756 تقاریب میں حصہ لیا۔ اس کے بعد کٹھوعہ میں 3,06,801 افراد نے 1,317 تقاریب میں حصہ لیا۔ اسی طرح پونچھ میں 2,87,719 افراد نے 4,060 تقریبات میں حصہ لیا اور ادھم پور میں 889 مقامات پر 2,58,830 افراد نے یوم آزادی منایا۔دارالخلافائی سری نگر اور جموں میں بالترتیب 2,052 تقاریب میں 91,504 اَفراد اور 2,515 تقریبوں میں 1,45,663 افراد نے شرکت کی۔ سری نگر کے بخشی سٹیڈیم میں مرکزی تقریبات منعقد ہوئی جہاں لیفٹیننٹ گورنر منوج سِنہا نے ترنگا لہرایا وہاں تقریباً 10,000 لوگ موجود تھے اور ایم اے سٹیڈیم، جموں میں تقریباً 11,000 افراد کی حاضری ریکارڈ کی گئی۔ان کے علاوہ ’’ میری مٹی ، میرا دیش ‘‘ مہم کے ایک حصے کے طور پر ہزاروں پی آر آئی اراکین ، سرکاری ملازمین ، طلباء اور سول سوسائٹی اراکین نے جموںوکشمیر یوٹی کے تمام اَضلاع میں شاندار نظارے پیش کرتے ہوئے درجنوں ’’ ترنگا ریلیاں‘‘ نکالیں ۔ تھیم کے تحت تقریبات 31؍ اگست کو اَپنے اِختتام کو پہنچ رہی ہیں اور آنے والے دِنوں کے لئے مزید بہت سے تقریبات کا اِنعقاد کیا جائے گا۔
