اہداف کے حصول، پانی کے رسائو کے مسائل کو حل کرنے پر زور دیا ،غفلت برتی توہوگی کارروائی
لازوال ڈیسک
پونچھ؍؍ضلع ترقیاتی کمشنر پونچھ، یاسین ایم چودھری نے منگل کو ڈی سی آفس کمپلیکس کے کانفرنس ہال میں جل جیون مشن (جے جے ایم) اسکیموں اور مشن لائف کے تحت شروع کی گئی زیرو لیکیج مہم کا جائزہ لینے کے لیے ایک میٹنگ کی صدارت کی۔سپرنٹنڈنگ انجینئر ہائیڈرولک سرکل، ایر راجندر کے شرما نے ضلع میں جے جے ایم اور دیگر اسکیموں کے تحت جاری تمام کاموں کی تفصیلی رپورٹ پیش کی۔اجلاس کے دوران ڈپٹی کمشنر نے اہداف کے حصول اور پانی کے رساو کے مسائل کو حل کرنے کی ضرورت پر زور دیا۔محکمہ کے فیلڈ انجینئروں کو ہدایت دی گئی کہ وہ باقاعدگی سے سائٹس کا دورہ کریں اور حکومت کی طرف سے مقرر کردہ ٹائم لائن کے مطابق سختی سے جے جے ایم کے تحت تعمیر کو یقینی بنائیں۔ایگزیکٹیو انجینئر پی ایچ ای ڈویڑن پونچھ کو ہدایت دی گئی کہ وہ اس بات کو یقینی بنائیں کہ جے جے ایم کے تمام کاموں کو تصریحات کے مطابق سختی سے انجام دیا جائے اور دی گئی ٹائم لائن کے مطابق مکمل کیا جائے۔مزید برآں، ڈپٹی کمشنر نے پانی کے وسائل کے موثر استعمال کو یقینی بنانے کے لیے زیرو لیکیج مہم پر موثر عملدرآمد پر زور دیا۔ متعلقہ فیلڈ انجینئرز اور عملہ کو اس سلسلے میں کسی بھی کوتاہی کو دور کرنے کے لیے جوابدہ بنایا گیا اور ناقص کارکردگی دکھانے والے افسران کے خلاف سخت کارروائی کی جائے گی۔ڈپٹی کمشنر نے تمام اسٹیک ہولڈرز پر زور دیا کہ وہ ضلع میں عوام کو پینے کے صاف پانی کی فراہمی میں جل جیون مشن اور مشن لائف کے اہداف کو حاصل کرنے کے لیے اجتماعی طور پر کام کریں۔میٹنگ میں ایڈیشنل ڈسٹرکٹ ڈویلپمنٹ کمشنر پونچھ ملک زادہ شیراز الحق، ڈویژنل فارسٹ آفیسر (ٹی) پونچھ، سریش منڈا ایگزیکٹیو انجینئر پی ایچ ای ڈویژن پونچھ، ریاض احمد کے ساتھ پی ایچ ای ڈویژن پونچھ کے تمام اے ای ای، اے ای اور جونیئر انجینئرز بھی میٹنگ میںموجود تھے۔
