یوکرین غیر ملکی میڈیکل طلباء کو اپنے ملک میں یونیفائیڈ اسٹیٹ کوالیفکیشن امتحان دینے کی اجازت دے گا:ایمن زاپارووا
یواین آئی
نئی دہلی؍؍یوکرین کی نائب وزیر خارجہ ایمن زاپارووا نے 10 سے 12 اپریل کے درمیان نئی دہلی کے دورے پر تھیں ۔ہندوستان کے اپنے پہلے سرکاری دورے کے دوران ایمن زاپارووا نے وزارت خارجہ کے سکریٹری (مغرب) سنجے ورما کے ساتھ دو طرفہ بات چیت کی، جس کے ایجنڈے میں اقتصادی امور ، دفاع، انسانی امداد اور باہمی دلچسپی کے عالمی امور شامل تھے۔یوکرین کی موجودہ صورتحال کے بارے میں بھی تبادلہ خیال کیا۔ہندوستانی میڈیکل اسٹوڈنٹس کے معاملے پر نائب وزیرخارجہ نے بتایاکہ یوکرین غیر ملکی میڈیکل طلباء کو اپنے ملک میں یونیفائیڈ اسٹیٹ کوالیفکیشن امتحان دینے کی اجازت دے گا۔ یوکرین کے نائب وزیر خارجہ نے یہ تجویز بھی پیش کی کہ یوکرین میں بنیادی ڈھانچے کی تعمیر نو ہندوستانی کمپنیوں کے لیے ایک موقع ہو سکتا ہے۔ سکریٹری (مغرب) نے بتایا کہ ہندوستان نے یوکرین کو دوائیں، طبی سامان فراہم کیا ہے اور وہ اسکول بسیں وغیرہ فراہم کرے گا۔ایمن زاپارووا نے خارجہ امور اور ثقافت کی وزیر مملکت میناکشی لیکھی سے بھی ملاقات کی۔ باہمی دلچسپی کے وسیع تر دو طرفہ اور بین الاقوامی امور پر تبادلہ خیال کرنے کے علاوہ انہوں نے صدر زیلنسکی کا ایک خط وزیر اعظم مودی کے نام دیا۔ انہوں نے ادویات اور طبی آلات سمیت اضافی انسانی امداد کے لیے یوکرین کی درخواست کا بھی اشتراک کیا اور اس بات پر اتفاق کیا کہ دونوں ممالک کے درمیان اگلا بین حکومتی کمیشن باہمی طور پر مناسب تاریخ پر ہندوستان میں منعقد ہوگا۔دورے کے دوران ایمن زاپارووا نے یوکرین کی ہندوستان کے ساتھ مضبوط اور قریبی تعلقات استوار کرنے کی خواہش کو اجاگر کیا۔ انہوں نے منوہر پاریکر انسٹی ٹیوٹ ا?ف ڈیفنس اسٹڈیز کا دورہ کیا اور انڈین کونسل ا?ف ورلڈ افیئرز میں ایک لیکچر بھی دیا۔
