ایمس، ہائیڈرو انجینئرنگ کالج سمیت ہماچل کو3,650 کروڑ روپے کے مختلف پروجیکٹوں کا تحفہ بھی دیا
یواین آئی
بلاس پور (ہماچل پردیش)؍؍وزیر اعظم نریندر مودی نے بدھ کو ایمس بلاس پور اور ہائیڈرو انجینئرنگ کالج بندلہ کا افتتاح کیا۔ اس کے ساتھ ہی بدی میڈیکل ڈیوائس پارک اور بھارت مالا پروجیکٹ کے تحت پنجور تا نالہ گڑھ کے درمیان تعمیر ہونے والی 31 کلومیٹر طویل چار لین والی قومی شاہراہ کا ورچوئل سنگ بنیاد بھی بلاس پور سے ہی رکھا۔مسٹر مودی نے 3,650 کروڑ روپے کے مختلف پروجیکٹوں کا تحفہ بھی دیا۔ 1,470 کروڑ روپے سے زیادہ کی لاگت سے بنائے گئے ایمس کا افتتاح کیا۔ اس اسپتال کا سنگ بنیاد مسٹر مودی نے سال 2017 میں رکھا تھا۔ مودی نے 1,611 کروڑ روپے کے دیگر کاموں کا افتتاح اور سنگ بنیاد بھی رکھا۔قبل ازیں مسٹر مودی نے ایمس کے نقشے پر موجود ہر بلاک کے بارے میں معلومات لی۔ ایمس کے عہدیداروں نے مسٹر مودی کو تمام سہولیات سے واقف کرایا۔ مسٹر مودی نے سی بلاک میں ڈائگنوسٹک سنٹر کا معائنہ کیا۔ مسٹر نریندر مودی کا ہیلی کاپٹر ایمس سے لوہنو کے لیے روانہ ہوگیا۔تھوڑی ہی دیر میں مسٹر نریندر مودی کا ہیلی کاپٹر لہنو میدان میں اترا۔ ڈھول بجا کر مودی کا استقبال کیا گیا۔ مسٹر مودی کے آتے ہی لوہنو میدان ‘جئے شری رام’ کے نعروں سے گونج اٹھا۔ وزیر اعظم نریندر مودی لہنو میدان میں جلسہ عام کر کے انتخابی شنکھ بجائیں گے۔مسٹر مودی نے کہا کہ بلک ڈرگ پارک میں صرف تین ریاستیں ہیں اور اس میں ہماچل کا انتخاب کیا گیا ہے۔ ہماچل بہادروں کی سرزمین ہے، میں نے یہاں کی روٹی کھائی ہے، مجھے یہاں کا قرض چکانا ہے۔ آج میڈیکل ٹورازم کا دور ہے۔ ہماچل میں طبی سیاحت کے بے پناہ امکانات ہیں۔ جب لوگ بیرون ملک سے علاج کے لیے ہماچل آئیں گے تو صحت مند ہو کر جائیں گے اور یہاں کی خوبصورت وادیاں بھی دیکھیں گے۔ ہماچل کے دونوں ہاتھوں میں لڈو ہے۔مسٹر مودی نے کہا کہ پچھلی حکومت ایک مسخ شدہ سوچ رکھتی تھی۔ اچھی سڑکیں، اچھے تعلیمی ادارے، اسپتال، صنعتیں صرف دہلی اور بڑے شہروں میں ہوں گی۔ اس سوچ کی وجہ سے ملک میں ترقی کا عدم توازن پیدا ہوا۔ اب ملک جدید سوچ کے ساتھ آگے بڑھ رہا ہے۔ صحت کی سہولیات کے لیے ریاست اب بھی آئی جی ایم سی اور ٹانڈہ پر منحصر تھی۔ مرکزی یونیورسٹیاں، آئی آئی ایم، آئی آئی ٹی، آئی آئی آئی ٹی اور اب ایمس ہماچل کی شان بڑھا رہے ہیں۔ پچھلی حکومت سنگ بنیاد رکھتی تھی اور الیکشن کے بعد بھول جاتی تھی۔ پھنسنے، لٹکنے اور بھٹکنے کا زمانہ ختم ہو گیا۔ اونا کے نزدیک ریلوے لائن بچھائی جانی تھی۔ میں جائزہ لے رہا تھا اور دیکھا کہ یہ فیصلہ 35 سال پہلے کیا گیا تھا۔ میں ہماچل کا بیٹا ہوں، میں ہماچل کو کیسے بھول سکتا ہوں۔اس سے پہلے پہاڑی زبان میں اپنا خطاب شروع کرتے ہوئے وزیر اعظم نے کہا – جئے ماں نینا دیویا ری، جئے بجئے بابائے ری۔اس موقع پر بی جے پی صدر جے پی نڈا، مرکزی وزیر انوراگ ٹھاکر اور وزیر اعلی جئے رام ٹھاکر، ریاستی صدر سریش کشیپ سمیت کئی لوگ موجود تھے۔وزیر اعظم نریندر مودی نے بدھ کو ہماچل پردیش کے بلاس پور میں وجے دشمی تہوار کے موقع پر پورے ملک میں تیز رفتار ترقی کے اپنے عزم کو دہرایا۔وزیر اعظم نے اپنی تقریر مقامی بلاس پوری زبان میں شروع کی اور کہا کہ انہیں ماں نینا دیوی اور مقامی دیوتا بجیا بابا (بابا نرسمہا دیو) کا پورا آشیرواد ملا ہے۔اس موقع پر انہوں نے عام ہندوستانیوں اور خاص طور پر ہماچل پردیش کے لوگوں کو دسہرہ کی مبارکباد دی۔ انہوں نے کہا کہ وہ بعد میں شام کو کلو کا دورہ کریں گے اور لوگوں کے لئے بھگوان رام اور ماں ہڈمبا کا آشیرواد لیں گے۔مسٹر مودی 3,650 کروڑ روپے کے پروجیکٹوں کو ریاست کے عوام کے نام وقف کرنے کے بعد لوہنو میدان میں ایک بڑے جلسہ عام سے خطاب کررہے تھے۔ انہوں نے کہا، ’’آج ہمارے لیے فتح کا دن ہے کیونکہ بلاس پور ضلع کو تعلیم اور صحت کا دوہرا تحفہ ملا ہے اور یہ قابل ذکر ہے۔ بلاس پور میں ایمس ایک مختلف نوعیت کا ہوگا کیونکہ یہ ماحولیات پر مبنی اور فطرت دوست ہوگا۔ کانگریس پارٹی کا نام لیے بغیر ان پر طنز کرتے ہوئے انہوں نے کہا کہ پچھلی حکومت کے دوران وہ سنگ بنیاد رکھتے تھے اور پھر اسے بھول جاتے تھے، جب کہ بی جے پی سنگ بنیاد رکھتی ہے اور پھر اس وقت ہی بیٹھتی ہے جب کام مکمل ہو جائے اور اسے عوام کو وقف کردیا جائے۔مسٹر مودی نے کہا کہ پہلے لوگوں کو علاج کے لیے آئی جی ایم سی، شملہ اور ٹاٹا میڈیکل کالج پر انحصار کرنا پڑتا تھا یا پھر چندی گڑھ اور نئی دہلی جانا پڑتا تھا لیکن بلاس پور میں آٹھ نئے میڈیکل کالج اور ایمس کے کھلنے سے ضرورت مند لوگوں کو علاج کے لیے ریاست سے باہر جانے کی ضرورت نہیں پڑے گی۔انہوں نے کہا کہ اس وقت ہماچل اپنے جوانوں کی بہادری کے لیے جانا جاتا ہے، لیکن اب اس میں ایک نیا آئیڈیا شامل کیا جائے گا اور وہ ہے ایمس، بلاس پور جیسے طبی اداروں کے ذریعے جان بچانے کا۔مسٹر مودی نے کہا کہ آیوشمان بھارت اسکیم نے پورے ملک میں لوگوں کی جان بچانے میں اہم رول ادا کیا ہے اور 45 ہزار کروڑ روپے کی لاگت سے 3.60 لاکھ کروڑ لوگوں نے اس اسکیم کا فائدہ اٹھایا ہے۔ اگر یہ اسکیم نافذ نہیں ہوتی تو لوگوں کو اپنی جیب سے تقریباً نوے ہزار کروڑ روپے خرچ کرنے پڑتے لیکن اس اسکیم کے نفاذ سے جس کے تحت ایک شخص کو 5 لاکھ روپے تک کا مفت علاج ملتا ہے، لوگوں کی جان اور پیسہ دونوں بچ گئے۔وزیر اعظم نے کہا کہ ہماچل پردیش میں تقریباً 1.50 لاکھ لوگ اس اسکیم سے مستفید ہوئے ہیں۔انہوں نے اعلان کیا کہ غریب اور متوسط ??طبقے کے لوگوں کی مدد کے لیے اس طرح کی مزید اسکیمیں پائپ لائن میں ہیں اور آنے والے دنوں میں یہ حقیقت بن جائیں گی۔انہوں نے وزیر اعلیٰ جئے رام ٹھاکر اور ان کی ٹیم کو کورونا وبائی مرض سے مضبوطی سے لڑنے اور دوسری ریاستوں کے مقابلے 100 فیصد ویکسینیشن پروگرام مکمل کرنے کے لئے مبارکباد دی اور ملک میں پہلا مقام حاصل کیا۔انہوں نے کہا کہ یہ وزیر اعلیٰ کی ذاتی مداخلت اور کوششوں سے ممکن ہوا ہے اور اس کے لیے وہ تعریف کے مستحق ہیں۔ریاست میں ‘بلک میڈیکل ڈرگ فارمز’ کا حوالہ دیتے ہوئے انہوں نے کہا کہ ہماچل پردیش ان تین ہندستانی ریاستوں میں سے ایک ہے جہاں یہ پارک قائم کیے جائیں گے۔ اس سے لاکھوں مقامی لوگوں کو روزگار ملے گا اور اس طرح ان کی معاشی حالت تبدیل ہو گی۔مسٹر مودی نے ہندوستان کے بہادر فوجیوں کو ون رینک، ون پنشن دینے کے بارے میں بھی بات کی اور کہا کہ اس سہولت سے ایسے لوگوں کے کنبوں کو بہت مدد ملی ہے۔ یہ بی جے پی کی ڈبل انجن والی حکومتوں کی کوششوں سے ہی ممکن ہوسکا ہے۔ پہلے کانگریس پارٹی کی حکومتوں نے اس سلسلے میں کچھ نہیں کیا اور اب ان کے لیے پھٹے ہوئے دودھ پر رونے کا کوئی مطلب نہیں ہے۔ وزیر اعظم نے کہا کہ ڈیجیٹل انقلاب نے بھی پوری دنیا میں ایک اہم کردار ادا کیا ہے لیکن تازہ ترین اطلاعات کے مطابق ہماچل پردیش نے بہت کچھ حاصل کیا ہے۔وزیر اعظم نے کہا کہ ریاست میں سڑکوں کو فور لین کرنے اور سڑکوں کے رابطے میں اضافہ سے نہ صرف ریاست کی معیشت کو فروغ ملے گا بلکہ باہر کی ریاستوں کے لوگ بھی صاف ستھرے ماحول سے بھری اس پہاڑی ریاست کے قدرتی حسن سے لطف اندوز ہوں گے۔ مسٹر مودی نے عوام سے اپیل کی کہ وہ ریاست میں ڈبل انجن والی حکومتوں کے کام اور جے رام ٹھاکر اور ان کی ٹیم کی ریاست کو مزید بلندیوں پر لے جانے اور بی جے پی کو ایک بار پھر اقتدار میں لانے کی کوششوں کو آگے بڑھائیں۔بی جے پی کے قومی صدر جے پی نڈا نے کہا کہ آج کا دن بلاس پور اور ہماچل پردیش کی تاریخ میں ایک تاریخی دن کے طور پر یاد رکھا جائے گا۔ انہوں نے کہا کہ وزیر اعظم کے دورے نے ثابت کر دیا ہے کہ مودی جی کے دل میں ہماچل کے لوگوں کے لیے کتنی محبت اور پیار ہے۔انہوں نے کہا کہ مودی جی کو ریاست میں ہر کسی سے پیار اور محبت ہے اس لئے انہیں (نڈا) جو کہ پارٹی کے نچلی سطح کے کارکن ہیں، کو اس کا قومی صدر بنایا گیا ہے۔اس موقع پر ہماچل پردیش کے وزیر اعلی جئے رام ٹھاکر نے ہماچل پردیش کا دورہ کرنے کے لئے وزیر اعظم کا شکریہ ادا کیا اور کہا کہ اس دورے نے ثابت کر دیا ہے کہ ہماچل پردیش مودی جی کا دوسرا گھر ہے۔ آج سے ایمس کا مطلب بلاس پور ہے نہ کہ نئی دہلی۔مسٹر ٹھاکر نے کہا، ’’پہلے جب ہم ایمس یعنی ایمس، نئی دہلی کی بات کرتے تھے لیکن آج سے ایک تبدیلی آئی ہے اور اس تبدیلی کا سہرا وزیر اعظم نریندر مودی کو جاتا ہے۔انہوں نے کہا کہ مودی جی اور ہندوستانی عوام کے آشیرواد سے بی جے پی تبدیلی لانے میں کامیاب ہوسکی اور ایک بار پھر ریاست میں اپنی حکومت بنائے گی۔ اس سے پہلے ریاست میں کوئی بھی پارٹی مسلسل دو بار انتخابات نہیں جیت سکی تھی۔مرکزی وزیر اطلاعات و نشریات انوراگ ٹھاکر نے کہا کہ مودی جی کو ہندوستان کے دیگر حصوں کے ساتھ ہماچل پردیش میں ترقیاتی سرگرمیوں کو نئی جہتیں دینے کا سہرا دیا جانا چاہیے۔مسٹر ٹھاکر نے کہا کہ ریاست کے لوگ کورونا بحران کے دوران ریاست کے لیے وزیر اعظم کے تعاون کو نہیں بھولیں گے اور ایک بار پھر بی جے پی کو اقتدار میں لائیں گے۔ اس سے قبل پروگرام کے دوران مختلف شعبوں میں مرکزی حکومت کی مدد سے ریاست کی کامیابیوں کو بیان کرنے والی فلم بھی دکھائی گئی۔
