سی بی ای ایس سو سائٹی نے پرائمری اسکول بگو کے بچوں کے لئے ٹاٹ وقف کئے
ندیم اقبال کٹوچ
بٹوت //ریاست جموں و کشمیر میں کام کر رہی غیر سرکاری تنظیم چندر بھاگہ اِنوائر مینٹل سوسائٹی نے آج ضلع رام بن کے تعلیمی زون بٹوت کی حدود میں واقع گورنمنٹ پرائمری اسکول بگو میں بچوں کے بیٹھنے کیلئے ٹاٹ وقف کیئے۔ تنظیم کی صدر کا کہنا ہے کہ ہم ضرورت مند لوگوں کی ہر وقت امداد کیلئے تیار ہیں اور گزشہ اڑھائی سال سے یہ سلسلہ چلا آرہا ہے ،ان کا یہ بھی کہنا تھا کہ ابھی تک ہمیں سرکار کی جانب سے کسی قِسم کے فنڈس واگزار نہیں کئے گئے ،جس سے کہ ہم اپنے کام میں اضافہ کریں۔ انہوں نے اس بات کا اظہار کیا کہ سرکار ہماری مدد کرے گی اور ہم مزید لوگوں کی مدد کر سکیںگئے۔ تنظیم کے صدر ڈاکٹر محمد یاسین کے کے علاوہ چیئر مین شہنواز، میر عمران ، وغیرہ تقریب میں موجود رہے ۔وضح رہے کہ اس اسکول میں صرف ایک استاد تعینات ہے اور پانچ جماعتوں کو درس دینا ناممکن ہے، اسلئے انہوں نے سرکار سے اپیل کہ ہے کہ بہتر تعلیم دے کر بچوں کے مستقبل کو روشن بنانے کے اقدام کرے۔
