زرعی سرگرمیوں کو انجام دینے کیلئے ڈرونز کی ایک بڑی تعداد کو یقینی بنایا جائے گا : پروفیسر سنجے کھجوریہ
لازوال ڈیسک
سانبہ// جموں کی شیرِ کشمیر یونیورسٹی آف ایگریکلچرل سائنسز اینڈ ٹکنالوجی کے کرشی وگیان کیندر، سانبہ نے آج یہاں پروفیسر بھوپندر ناتھ ترپاٹھی، وائس چانسلر کی متحرک قیادت میں اپنے پہلے زرعی ڈرون کے مظاہرے کا اہتمام کیا۔وہیں ڈرون آپریشن کا لائیو مظاہرہ ضلع پولس سانبہ کے ساتھ ساتھ سرپنچ پنچایت حلقہ گھگوال اور دیگر ترقی پسند کسانوں کی نگرانی میں کیا گیا۔ یہ خطے میں درست زراعت کو فروغ دینے کی طرف یونیورسٹی کا ایک اور سنگ میل تھا۔ پروفیسر سنجے کھجوریا، چیف سائنٹسٹ اور سربراہ نے مزید وضاحت کرتے ہوئے کہا کہ ملک میں زرعی شعبہ درست کھیتی کی طرف بڑھ رہا ہے اور مختلف فارم آپریشنز کی بروقت، درستگی اور مناسبیت کے لیے ڈرون کا استعمال دیکھ رہا ہے کیونکہ اس کے نتیجے میں پیداوار میں اضافہ ہوتا ہے۔ پروفیسر کھجوریا نے ڈرون کی افادیت پر غور کرتے ہوئے کہا کہ 10 کلوگرام کے پے لوڈ والے ڈرون میں تمام جدید ترین سنسر اور جی پی ایس نصب ہیں۔انہوں نے مزید انکشاف کیا کہ آنے والے وقت میں،سکاسٹ ضلع کے مختلف علاقوں میں مختلف زرعی سرگرمیوں کو انجام دینے کے لیے ڈرونز کی ایک بڑی تعداد کو یقینی بنائے گا۔
