تربیت حاصل کرنے والوں کو مختلف قسم کے موبائل فونز کی مرمتی کی تربیت دی گئی
لازوال ڈیسک
کشتواڑ؍؍ ہندوستانی فوج روزگار کے مواقع پیدا کرنے پر خصوصی توجہ کے ساتھ خطے کے مقامی لوگوں کے لئے مسلسل متعدد پروگرام چلا رہی ہے۔ اسی جذبے کے تسلسل میں ، ہندوستانی فوج نے 21 جولائی 2023 سے 19 اگست 2023 تک سدھ بھاونا پروجیکٹ کے تحت کشتواڑ میں ایک ماہ کے موبائل مرمت کے کیڈر کا افتتاح کیا۔اس نئے تربیتی پروگرام کا افتتاح 21 جولائی 2023 کو کیا گیا تھا اور اس میں کشتواڑ علاقے کے دور دراز علاقوں سے تعلق رکھنے والے 10 امیدواروں نے شرکت کی تھی۔ یہ تربیت پیشہ ور افراد نے دی جس میں تربیت حاصل کرنے والوں کو مختلف قسم کے موبائل فونز کی تربیت دی گئی۔اس اقدام سے نہ صرف روزگار کے مواقع پیدا ہوں گے بلکہ انہیں اپنے خاندانوں کی کفالت اور خود روزگار کی راہ ہموار کرنے کے لیے اپنی تکنیکی مہارت کو بڑھانے کا موقع بھی ملے گا۔ یہ ہنر مند نوجوان ملک کی مجموعی ترقی کے لیے حکومت کے ‘ڈیجیٹل انڈیا’ پہل میں بھی اپنا حصہ ڈالیں گے۔ استفادہ کنندگان نے اس پروجیکٹ اور خاص طور پر فائدہ اٹھانے والوں کے انتخاب کے طریقے کے لیے ہندوستانی فوج سے اپنی خوشی اور شکریہ ادا کیا کیونکہ وہ محسوس کرتے ہیں کہ اس سے مقامی لوگوں کے درمیان زیادہ فرقہ وارانہ اور سماجی ہم آہنگی آئے گی۔
