’کام بولتا ہے اورکام بولے گا‘ میرا نعرہ ہے:آزاد کہاتمام خطوں میں مساوی ترقی کے لیے پرعزم ہیں لازوال ڈیسک سری نگرچیئرمین ڈی پی اے پی غلام نبی آزاد نے آج کولگام کے دیوسر میں ایک جلسہ عام سے تبادلہ خیال کرتے ہوئے عہد کیا کہ اقتدار میں منتخب ہونے پر خطہ میں زمینوں اور ملازمتوں کے مواقع کے تحفظ کے لیے قانون متعارف کروائیں گے۔ انہوں نے لوگوں کی تکالیف کو دور کرنے کی ضرورت پر زور دیا اور ایک طریقہ کار کا خاکہ پیش کیا جس کے ذریعے قانون ساز اسمبلی ایسا قانون بنا سکتی ہے۔ انہوں نے کہا کہ اگر وہ اقتدار میں آئے تو یہ اقدام ان کی اولین ترجیح ہو گی۔ان کا مزید کہنا تھا کہ جب حکومت نے زمین خالی کرنے کے احکامات جاری کیے تو ہماری پارٹی ہی سڑکوں پر نکلی۔ آزاد نے کہا کہ یہ میری پارٹی تھی جس نے زمینوں کی بے دخلی کے احکامات کے خلاف جنگ لڑی تھی، اس لیے بلڈوزر روکے گئے۔ انہوں نے مزید کہا کہ میں نے دہلی میں وزیر داخلہ سے ملاقات کی۔ انہوں نے ریاست کا درجہ بحال کرنے کی اہمیت پر زور دیا، یہ نوٹ کرتے ہوئے کہ حکومت نے پارلیمنٹ میں یقین دہانی کرائی ہے کہ انتخابات کے بعد ریاست کا درجہ بحال کیا جائے گا۔ آزاد نے بجلی کے بلوں میں تفاوت پر زور دیتے ہوئے کہا کہ غریب جدوجہد کے دوران، کاروباری مالکان اور کم آمدنی والے افراد کے درمیان واضح فرق ہونا چاہیے۔ انہوں نے اس عزم کا اظہار کیا کہ ان کی حکومت میں کم آمدنی والوں کو مفت بجلی ملے گی۔ آزاد نے مزید وعدہ کیا کہ جموں وکشمیرمیں سڑکوں، کالجوں اور اسکولوں سمیت نئے انفراسٹرکچر کے ساتھ ترقی کو تیز کیا جائے گا۔ انہوں نے بہتر رسائی کے لیے اضافی اضلاع، ہسپتال قائم کرنے اور سڑکوں کے نیٹ ورک کو وسعت دینے کا وعدہ کیا۔ آزاد نے کہا کہ میں نے کولگام کو ضلع دیا، جب میں اقتدار میں آو¿ں گا تو مزید اضلاع دینے ہیںکیونکہمیرا خواب مزید ترقی کرنا ہے۔ آزاد نے جموں و کشمیر بھر میں اپنی عوامی میٹنگوں میں موصول ہونے والے زبردست ردعمل کے لیے شکریہ ادا کیا۔ انہوں نے عوام کو یقین دلایا کہ وہ دوسری جماعتوں کے برعکس کبھی بھی ان کے اعتماد میں خیانت نہیں کریں گے اور نہ ہی اقتدار کے لیے ان کے ووٹوں پر سمجھوتہ کریں گے۔ آزاد نے اپنے وعدوں کو پورا کرنے کے اپنے عزم کا اعادہ کیا، اس بات کو یقینی بناتے ہوئے کہ وہ جو وعدہ کریں گے، وہ پورا کریں گے۔ انہوں نے تفرقہ انگیز جماعتوں کے ذریعے پھیلائے گئے جھوٹے پروپیگنڈے کے نقصان دہ اثرات کو اجاگر کرتے ہوئے تبدیلی کی فوری ضرورت پر زور دیا۔ انہوں نے عوام پر زور دیا کہ وہ ایک ایسی پارٹی کے پیچھے متحد ہو جائیں جس میں موثر حکمرانی کا ثابت شدہ ٹریک ریکارڈ ہو۔ انہوں نے ترقی کی وسیع تر خواہش کا اعادہ کیا، تشدد اور خونریزی کے ماضی کے تجربات پر ترقی، روزگار کے مواقع اور امن کو ترجیح دینے کی اہم اہمیت پر زور دیا۔ آزاد نے اپنے نعرے کی تصدیق کرتے ہوئے کہا’کام بولتا ہے اورکام بولے گا‘یرا نعرہ ہوگا۔ اس موقع پرجی ایم سروڑی وائس چیئرمین، چوہدری ہارون کھٹانہ جنرل سیکرٹری، محمد امین بھٹ صوبائی صدر، گلزار وانی زونل صدر، سلمان نظامی ترجمان اعلیٰ، ایڈووکیٹ سلیم پرے ترجمان اور دیگر بھی موجود تھے۔