لازوال ڈیسک
جموں؍؍ گورنمنٹ ایس پی ایم آر کالج آف کامرس جموں نے 19 نومبر سے 2 دسمبر 2023 تک کالج آن وہیلز جے اینڈ کے گیانودیا ایکسپریس پر گئے طلبا اور ان کے سرپرست کے اعزاز میں ایک پروقار تقریب کا انعقاد کیا گیا۔ یہ تعلیمی سفر اپنی نوعیت کا پہلا موبائل تعلیمی اقدام ہے جس کا مقصد جموںو کشمیرکی تمام یونیورسٹیوں کی 700 طالبات کو بااختیار بنانا تھا، بابائے قوم مہاتما گاندھی کے ٹرین کے سفر سے متاثر ہو کر تھا۔ گاندھی جی نے حقیقی ہندوستان کو جاننے کے لیے ملک کے کونے کونے کا سفر کیا۔ موجودہ کالج آن وہیل سفر بھی اسی طرح کی ایک کوشش تھی جس نے طلباء کو ہندوستان کے مختلف حصوں کو تلاش کرنے اور سفر کے دوران سیکھنے کے قابل بنایا۔ سفر کے دوران طلباء نے دہلی میں پارلیمنٹ ہاؤس اور ایوان صدر، گجرات میں کنکریا جھیل اور سابرناتی آشرم، ممبئی میں نیول ڈاک یارڈ اور گیٹ وے آف انڈیا، بنگلور میں اسرو اور آئی آئی ایس سی، گوا میں نیول شپ یارڈ اور بیچ اور وردھا، مہاراشٹر میں سیوا گرام جیسے اہم مقامات کا دورہ کیا۔ اس پروقار تقریب میں کالج کے فیکلٹی ممبران اور طلباء نے شرکت کی۔ کالج کے پرنسپل اور پروگرام کے رابطہ افسر ڈاکٹر سریندر کمار نے باوقار سفر میں کامیاب شرکت پر ٹیم کو مبارکباد دی۔ طالب علموں کی کامیابی کے لیے ٹیم ممبران محترمہ گنجن گپتا، محترمہ رسنیت کور، محترمہ نودیپ کور، محترمہ سوہانی گپتا، محترمہ پلوی، محترمہ یاسمین نہر اور محترمہ گوڈیا کو تعریفی نشان پیش کیا گیا۔ طلباء کے ہمراہ فیکلٹی ممبر ڈاکٹر دیپک پٹھانیا کو بھی یادگاری تحفہ پیش کیا گیا۔ ٹیم کی طرف سے مختلف مقامات کا دورہ کیا گیا اور وہاں پر مشاہدہ کیے گئے ماحولیاتی حالات کے بارے میں ایک پریزنٹیشن بھی حاضرین کو دکھائی گئی۔ اس کے بعد ایک انٹرایکٹو سیشن ہوا جس میں طلباء نے اپنے تجربات شیئر کئے۔ دیگر طلباء اس سفر سے متاثر ہوئے اور انہوں نے مستقبل میں ایسے پروگراموں میں شرکت کی خواہش ظاہر کی۔ مذکورہ پروگرام کے کوآرڈینیٹر پروفیسر عرفان علی نے تقریب کی ساری کارروائی چلائی۔
