ڈی پی اے پی کا احتجاج راجوری پہنچ گیا، راشن کوٹہ میں اضافہ کا مطالبہ

راشن کٹوتی، مہنگائی، پراپرٹی ٹیکس، پانی اور بجلی کی قلت کے خلاف احتجاجی مظاہرے کئے
شیرازچوہدری
راجوری؍؍ڈیموکریٹک پروگریسو آزاد پارٹی (ڈی پی اے پی) نے منگل کو یہاں راشن کٹوتی، مہنگائی، پراپرٹی ٹیکس، پانی اور بجلی کی قلت کے خلاف احتجاجی مظاہرے کئے۔ احتجاجی مظاہرے کی قیادت جنرل سکریٹری آر ایس چِب نے کی جنہوں نے اور ڈی پی اے پی کے کارکنوں نے راشن میں کٹوتی، اشیائے ضروریہ کی قیمتوں میں اضافے، بڑھتی ہوئی بے روزگاری اور بجلی اور پینے کے پانی کے مسائل پر تشویش کا اظہار کرتے ہوئے کہا کہ عوام دشمن اقدامات نے زندگی کے ہرشعبہ جات کو نقصان پہنچایا ہے۔ حکام نے جموں و کشمیر میں صارفین کے لئے ماہانہ راشن کوٹہ کو کم کر دیا ہے، صارفین کو مٹی کے تیل کی سپلائی غائب ہو گئی ہے، قیمتوں میں اضافہ اور بے روزگاری تمام ریکارڈ توڑ رہی ہے،انہوں نے کہا۔ مظاہرین نے صارفین کے لیے ماہانہ راشن کوٹہ بحال کرنے اور پراپرٹی ٹیکس کے نفاذ اور دیگر ’’عوام دشمن‘‘فیصلوں کو واپس لینے کا مطالبہ کیا۔ احتجاجی ریلی کے بعد ڈی پی اے پی قائدین نے ڈپٹی کمشنر راجوری وکاس کنڈل کو مطالبات کا میمورنڈم پیش کیا۔ میمورنڈم میں وہ تمام مطالبات درج تھے جن کے لیے ڈی پی اے پی گزشتہ کئی ماہ سے پرامن احتجاجی ریلیاں نکال رہی ہے۔ اپنے چیئرمین غلام نبی آزاد کی ہدایات پر، ڈی پی اے پی نے گزشتہ ہفتوں میں کئی ریلیاں، احتجاج اور عوامی رسائی کے پروگرام منعقد کیے ہیں۔ DPAP کے مطابق پبلک آؤٹ ریچ پروگراموں کا مقصد عوامی مسائل کے بارے میں پہلے ہاتھ سے اکاؤنٹس رکھنا ہے۔ احتجاج کا حصہ بننے والوں میں انیتا ٹھاکر جنرل سکریٹری، سابق ایم ایل اے اشوک شرما وی پی صوبہ جموں، ایڈووکیٹ مسعود چودھری اسٹیٹ سکریٹری اور ورکنگ کمیٹی ممبر، لولی گپتا اسٹیٹ سکریٹری، سشیل گپتا ضلع صدر راجوری، سباش وید سکریٹری، حسن مرزا یوتھ صدر، سشیل جموال، کشمیر سنگھ، رامیشور شرما، کیپٹن جوگندر سنگھ، اشونی شرما، ایر وشال شرما، اشوک بھگت، کلونت سنگھ، سورج شرما، پرم ویر، ایس راجندر سنگھ، رمیز خان اور دیگرشامل ہیں۔