کہا یہ ریلی ہمارے نوجوانوں کے جذبے اور ہماری قوم کی اقدار کے لیے ان کی لگن کا منہ بولتا ثبوت ہے
لازوال ڈیسک
پونچھ// یوم آزادی کی تقریبات اور ہر گھر ترنگا پروگرام کے ایک حصے کے طور پر، ضلع انتظامیہ پونچھ نے محکمہ سکول ایجوکیشن اور دیگر محکموں کے اشتراک سے پونچھ میں ایک ترنگا سائیکل ریلی کا انعقاد کیا۔
اس تقریب کو ڈپٹی کمشنر پونچھ، یاسین ایم چودھری نے سپورٹس سٹیڈیم پونچھ سے اے سی آر پونچھ قدیر الرحمن، اے ڈی سی پونچھ، طاہر مصطفی، اے ڈی ڈی سی پونچھ، سندیش کمار شرما، سی ای او پونچھ کے علاوہ تمام ضلعی افسروں کی موجودگی میں جھنڈی دکھا کر روانہ کیا۔
تاہم ریلی کا آغاز تمام شرکاء نے قومی اقدار سے وابستگی پر زور دیتے ہوئے ترنگا ریلی کا آغاز کیا۔اس موقع پر پونچھ کے مختلف اسکولوں کے 350 سے زیادہ پرجوش سائیکل سواروں اور بائیکرز نے ریلی میں حصہ لیا، جو قصبے کی اہم سڑکوں سے ہوتا ہوا لائن آف کنٹرول پر واقع دیگوار نیو برج پر اختتام پذیر ہوا۔
وہیں ریلی میں حب الوطنی کے شدید جذبے کی نشاندہی کی گئی تھی، طلباء نے اپنی سائیکلوں کو قومی پرچموں سے آراستہ کیا تھا۔وہیں تمام محکموں کے افسران اور اساتذہ نے بھی ترنگا جھنڈا اٹھائے ہوئے اس تقریب میں شرکت کی، جو قومی فخر اور اتحاد کے لیے کمیونٹی کے عزم کی عکاسی کرتی ہے۔
اس موقع پر ڈپٹی کمشنر نے اپنے جذبات کا اظہار کرتے ہوئے کہا، “آج کی ریلی ہمارے نوجوانوں کے غیر متزلزل جذبے اور ہماری قوم کی اقدار کے لیے ان کی لگن کا منہ بولتا ثبوت ہے۔ ہمارے طلباء میں اس طرح کے جوش و جذبے اور حب الوطنی کا مشاہدہ کرنا ایک اعزاز کی بات ہے، کیونکہ وہ ہمارے ملک اور ہمارے ہیروز کو خراج تحسین پیش کرتے ہیں۔ انہوں نے کہا کہ آئیے یہ واقعہ ہم سب کو آزادی اور اتحاد کے نظریات کو برقرار رکھنے کی ترغیب دیں۔
