پروگرام میں بطور ریسورس پرسن پینل وکیل ایڈووکیٹ محمد ماجد ملک نے شرکت کی
لازوال ڈیسک
بھدرواہ ڈسٹرکٹ لیگل سروسز اتھارٹی بھدرواہ نے گزشتہ روز ڈسٹرکٹ کورٹ کمپلیکس بھدرواہ کے احاطے میں NALSAاسکیم 2015 پر ایک قانونی آگاہی پروگرام کا انعقاد کیا۔واضح رہے آگاہی تقریب جموں و کشمیر لیگل سروسز اتھارٹی کے فراہم کردہ مشترکہ کم سے کم پروگرام کے مطابق اور سکریٹری، ڈسٹرکٹ لیگل سروسز اتھارٹی، بھدرواہ مدثر فاروق کی مجموعی نگرانی میں منعقد کی گئی۔ اس پروگرام کے ریسورس پرسن پینل وکیل ایڈووکیٹ محمد ماجد ملک تھے۔ وہیں ریسورس پرسن نے NALSA اسکیم کی دفعات پر روشنی ڈالی اور اجتماع کو ان فوائد کے بارے میں آگاہ کیا جو مذکورہ اسکیم سے عوام بالخصوص مزدور طبقہ اٹھا سکتے ہیں۔ اس پروگرام میں بھدرواہ کے مختلف حصوں سے سول سوسائٹی کے اراکین اور مزدور برادری کے اراکین نے شرکت کی۔ وہیںایڈوکیٹ محمد ماجد ملک نے ہندوستان میں غربت کے خاتمے کے متعدد پروگراموں کے بارے میں اجتماع کو بیان کیا جس کا مقصد موجودہ حکومت کی طرف سے براہ راست یا بالواسطہ طور پر غربت کے خاتمے کو حل کرنا ہے۔ ریسورس پرسن ایڈو محمد ماجد ملک نے شرکاءکا قانونی آگاہی پروگرام میں حصہ لینے پر شکریہ ادا کیا اور اس عزم کا اظہار کیا کہ DLSA بھدرواہ عام لوگوں بالخصوص معاشی طور پر معاشرے کے کمزور طبقات کی مدد کے لیے ہمیشہ تیار رہے گا۔
