لازوال ڈیسک
اکھنور؍؍ڈگری کالج اکھنور میںجموں و کشمیر کی بھرپور لوک روایات کی متحرک دھڑکنوں اور دھنوں کے ساتھ جموں وکشمیراکیڈمی آف آرٹ، کلچر اینڈ لینگوئجز کے زیر اہتمام ایک شاندار لوک فیسٹیول کا انعقاد کیا۔ وہیںجموں خطے کی معدوم ہوتی مقامی ثقافت کو محفوظ رکھنے اور اس کی نمائش کے ارادے سے منعقد ہونے والے اس پروگرام میں طلباء اور عملے کے ارکان کی پرجوش شرکت دیکھنے میں آئی۔اس موقع پرڈاکٹر رومیلا ملہ بھٹ، پرنسپل، گورنمنٹ ڈگری کالج، اکھنور،بھرت سنگھ منہاس، سکریٹری،جے کے اے اے سی ایل نے بھی شرکت کی ۔واضح رہے ان ثقافتی اقدامات کے پیچھے بصیرت رکھنے والے، ڈاکٹر شاہنواز، ایڈیٹر کم کلچرل آفیسر،انیل ٹکو، اے سی او نیز کالج کی ثقافتی کمیٹی نے بھی شرکت کی۔وہیںلوک فیسٹیول میں گیترو، کارکان، اور ڈوگری لوک گیتوں سمیت مختلف لوک شکلوں کی نمائش کی گئی ۔دریں اثناء اس تقریب کا اختتام گورنمنٹ ڈگری کالج اکھنور کے پرنسپل ڈاکٹر رومیلا ملہ بھٹ کے شکریہ کے ساتھ ہوا۔ انہوں نے باصلاحیت فنکاروں، سرشار معاون عملے اورجے کے اے اے سی ایل کے عہدیداروں کا شکریہ ادا کیا۔اس موقع پرجے کے اے اے سی ایل کے سکریٹری بھرت سنگھ،کو ثقافتی طور پر فروغ دینے والی تقریب کا اہتمام کرنے کے لیے خصوصی اعزاز دیا گیا۔
