نئی دہلی ، اجودھیا میں بابری مسجد ۔ رام مندر تنازعہ پر سپریم کورٹ کے فیصلہ کے ایک دن بعد آج قومی سلامتی کے مشیر اجیت ڈوبھال کی رہائش گاہ پر مختلف مذاہب کے رہنماؤں کی ایک میٹنگ ہوئی ۔میٹنگ میں بابا رام دیو ،سوامی پرماتمانند ،شیعہ مذہبی رہنما مولانا کلب جواد اور سوامی چدانند سرسوتی سمیت کئی مذہبی رہنماؤں نے شرکت کی ۔اس موقع پر مذہبی رہنماؤںملک میں مذہبی ہم آہنگی کی صورتحال پر تبادلہ خیال کیا اور سماج میں رواداری اور بھائی چارہ پر زوردیا۔واضح رہے کہ اجودھیا تنازعہ کے فیصلہ کے مدنظر مذہبی تنظیموں ،سیاسی پارٹیوں اور حکومت کی طرف سے لوگوں سے گزشتہ کئی دنوں سے ملک میں امن قائم رکھنے کی اپیل کی جارہی ہے ۔فیصلہ کے بعد اس کا اثر بھی دیکھنے کوملا کیونکہ سبھی فریقوں اور سماجی طبقوں نے سپریم کورٹ کے فیصلہ کا عام طورپر خیرمقدم کیاہے
