کہابی جے پی کیڈر’نیشن فرسٹ، پارٹی سیکنڈ اینڈ سیلف لاسٹ‘ کے اصول پر کام کرتا ہے
لازوال ڈیسک
جموں؍؍ڈاکٹر نرمل سنگھ نے بی جے پی ہیڈ کوارٹر میں عوامی دربار منعقد کیا۔اس موقع پرجموں اور دیگر علاقوں سے بڑی تعداد میں لوگ بی جے پی ہیڈ کوارٹر جموں پہنچے اور سابق نائب وزیر اعلیٰ ڈاکٹر نرمل سنگھ اور دیگر لیڈروں کے ساتھ اپنے مسائل اٹھائے۔وہیںبی جے پی کی نائب صدر انورادھا چاڑک اور سکریٹری اروند گپتا کے ساتھ ڈاکٹر نرمل سنگھ نے لوگوں کی شکایات سنیں، متعلقہ محکموں کے اعلیٰ حکام کے ساتھ بات کی، اور ان پر زور دیا کہ وہ اس کو کم کرنے کے لیے فوری اقدامات کریں۔ آج کے عوامی دربار میں بلاور، پونچھ، سری نگر، نیو پلاٹ، رام کوٹ، کھوڑ، بخشی نگر، پلوڑہ، رامبن اور دیگر علاقوں کے لوگوں نے گروپوں میں اور انفرادی طور پر بی جے پی لیڈروں کے ساتھ براہ راست بات چیت کی اور پی ڈی ڈی سے متعلق اپنے سلگتے ہوئے مسائل سے آگاہ کیا۔ڈاکٹر نرمل سنگھ نے اس موقع پر کہا کہ بی جے پی کیڈر ‘نیشن فرسٹ، پارٹی سیکنڈ اینڈ سیلف لاسٹ’ کے اصول پر کام کرتا ہے، جو بی جے پی کو فرق کے ساتھ پارٹی بناتا ہے۔ انہوں نے کہا کہ پارٹی قائدین اور سابق وزراء روزانہ کی بنیاد پر پارٹی دفتر میں بیٹھ کر عوام سے براہ راست رابطہ کر رہے ہیں اور ان کے روزمرہ کے مسائل کے حل میں ان کی مدد کر رہے ہیں۔
