پانچ سال سے زائد عرصے سے زیر التواء پرانے مقدمات پر توجہ مرکوز کرنے پر کیا تبادلہ خیال
مختار احمد
گاندربل؍؍چیئرمین ڈسٹرکٹ لیگل سروسز اتھارٹی (پی آر ڈسٹرکٹ اینڈ سیشن جج)، گاندربل، رتیش کمار دوبے نے ایل ڈی کے ایک جائزہ اجلاس کی صدارت کی۔ اس موقع پرجوڈیشل افسران نے 11 مئی کو شیڈول ہونے والی دوسری قومی لوک عدالت کی تیاری پر تبادلہ خیال کیا۔وہیںمیٹنگ میں فیاض احمد قریشی، سی جے ایم/سب جج، گاندربل، نصرت علی حکاک، سینئر جج سول ڈویژن/سیکرٹری، ڈی ایل ایس اے گاندربل، محمد وسیم مرزا، جے ایم آئی سی، گاندربل،مہناز قادر نے شرکت کی۔
وہیںمیٹنگ کے دوران چیئرمین ڈی ایل ایس اے گاندربل نے جوڈیشل افسران پر زور دیا کہ وہ ریکارڈ کی ذاتی طور تصدیق کریں اور تمام زمروں میں ایسے مقدمات کی نشاندہی کریں جو تصفیہ کے لیے موزوں ہیں اور 5 سال سے زائد عرصے سے زیر التواء پرانے مقدمات پر توجہ مرکوز کریں اور مذکورہ قومی لوک عدالت میں پیش کرنے کے لیے ان کی پیش کریں۔ انہوں نے جوڈیشل افسران پر زور دیا کہ وہ قومی لوک عدالت کی مقررہ تاریخ سے پہلے تمام طے شدہ معاملات/مقدمات کے لیے قبل از لوک عدالتیں منعقد کریں، تاکہ فریقین کو سمجھوتہ یا تصفیہ پر پہنچنے کے لیے مذاکرات کے مواقع فراہم کیے جا سکیں۔میٹنگ کے دوران، تمام عدالتی افسران نے اپنے اپنے خیالات کا تبادلہ کیا، اور دوسری قومی لوک عدالت کو کارگراور کامیابی کے ساتھ انجام دینے کے لیے ایک ایکشن پلان مرتب کیا۔
