لازوال ڈیسک
کرگل؍؍ ضلع پنچایت افسر (ڈی پی او) کرگل، پدما انگمو نے آج بی ڈی او پشکم، پنچایت انسٹرکٹر علی اکبر، سرپنچ پشکم بی، پنچوں، آر ڈی اینڈ پی آر ڈی افسران کی موجودگی میں این وائی کے کے رضاکاروں اور مقامی لوگوں نے مختلف گھرانوں سے مٹی جمع کی۔واضح رہے میری مٹی میرا دیش مہم کا آغاز ہندوستان کے وزیر اعظم نریندر مودی نے کیاہے۔اس تقریب کا انعقاد ملک میں فخر کا جذبہ پیدا کرنے کے لیے کیا گیا تھا۔ ’’میری مٹی میرا دیش‘‘ کے بینر تلے حلف برداری کی تقریب بھی منعقد کی گئی۔ اس تقریب نے اس خیال کو تقویت بخشی کہ زمین اور ملک کے درمیان ایک ایسا رشتہ ہے جس کی ہر ایک کو پرورش اور حفاظت کرنی چاہیے۔اس کے علاوہ پشکم گاؤں کے تمام گھرانوں سے مٹی کلش میں جمع کی گئی۔ اس کے بعد اس مٹی کو بڑے کلش میں ڈالا جائے گا اس طرح اس تقریب کے محلے کے تمام گھرانوں کی طرف سے علامتی طور پر پیش کش کو اکٹھا کیا جائے گا۔
