شاہین امین
بڈگام//تحصیلدار چرار شریف سے ٹیچرس فورم کے عہدیداروں نے ملاقات کی جس دوران آفیسر موصوف نے انہیں یقین دلایا کہ ان کی جائز مانگوں کو حل کرنے کی خاطر وہ اعلیٰ حکام سے بات کریں گے۔ نمائندے شاہین امین کے مطابق جمعرات کے روز جموں وکشمیر ٹیچرس فورم یونٹ چرارشریف کے ایک اعلیٰ سطحی وفد نے تحصیلدار چرار شریف فدا محمد بٹ کے ساتھ ملاقات کی اور انہیں درپیش مسائل کے بارے میں آگاہی فراہم کی۔ ٹیچرس فورم کے ذعماوں نے ان کی جائز مانگوں کو جلد ازجلد حل کرنے کا مطالبہ کرتے ہوئے آفیسر موصوف کو ان مسائل کو اعلیٰ حکام کی نوٹس میں لانے کی تاکید کی۔وہیں تحصیلدار نے وفد کو یقین دلایا کہ ان کی جائز مانگوں کو وہ اعلیٰ حکام کی نوٹس میں لائیں گے۔
