یواین آئی
نئی دہلی؍؍سپریم کورٹ نے نئے ووٹر رجسٹریشن کے لیے آدھار نمبر کے لازمی استعمال پر مبینہ طور پر اصرار کرنے پر الیکشن کمیشن کے خلاف توہین عدالت کی کارروائی کی درخواست کرنے والی درخواست جمعہ کو مسترد کر دی چیف جسٹس ڈی وائی چندرچوڑ، جسٹس منوج مشرا اور جسٹس ستیش چندر شرما کی بنچ نے عرضی پر غور کرنے سے انکار کرتے ہوئے کہا کہ الیکشن کمیشن نے تلنگانہ پردیش کمیٹی کے جی نرنجن کی جانب سے مفادعامہ کی عرضی میں اٹھائے گئے مسائل کو حل کرنے کا دعویٰ کیا ہے۔
بنچ نے یہ بھی کہا کہ پچھلی درخواست کو 2023 میں نمٹا دیا گیا تھا، جب الیکشن کمیشن نے کہا تھا کہ وہ اس معاملے کو دیکھ رہا ہے۔ اس نے اس کی تعمیل کے لیے کوئی آخری تاریخ مقرر نہیں کی تھی۔اس پر درخواست گزار نے دعویٰ کیا کہ یہ درست ہے کہ الیکشن کمیشن نے یقین دہانی کرائی تھی کہ نئے ووٹر رجسٹریشن کے لیے آدھار نمبر لازمی نہیں ہے، لیکن اس کی یقین دہانی کے مطابق درخواست فارم میں ضروری تبدیلیاں نہیں کی گئیں۔
سپریم کورٹ نے کہا کہ ایسی صورت حال میں توہین کی کارروائی شروع کرنے کا معاملہ نہیں ہے۔قابل ذکر ہے کہ الیکشن کمیشن نے 21 ستمبر 2023 کو سپریم کورٹ کو بتایا تھا کہ ووٹر لسٹ میں ووٹرز کے اندراج کے لیے آدھار نمبر فراہم کرنا لازمی نہیں ہوگا۔عدالت عظمیٰ میں اپنا موقف پیش کرتے ہوئے الیکشن کمیشن نے کہا تھاکہ وہ ای-رول میں اندراج کے لیے فارم 6 اور 6B میں وضاحتی تبدیلیاں جاری کرے گا، جس میں نئے ووٹروں کے لیے ووٹر لسٹ کی تصدیق کے مقصد کے لیے آدھار نمبر کی تفصیلات درکار ہیں۔
الیکشن کمیشن نے کہا تھا کہ رجسٹریشن آف ووٹرز (ترمیمی) رولز 2022 کے رول 26-B کے تحت آدھار نمبر جمع کرنا لازمی نہیں ہے۔جی نرنجن کی عرضی کا جواب دیتے ہوئے الیکشن کمیشن کے وکیل نے کہا تھا کہ انتخابی عمل کو حتمی شکل دینے کے عمل میں تقریباً 66.23 کروڑ آدھار نمبر پہلے ہی اپ لوڈ کیے جا چکے ہیں۔اس کے بعد عدالت نے اس درخواست کو نمٹا دیا جس میں فارم 6 (نئے ووٹروں کے لیے درخواست فارم) اور فارم 6B (ووٹر لسٹ کی تصدیق کے مقصد کے لیے آدھار نمبر کی معلومات کا خط) کے ساتھ آدھار کی تفصیلات جمع کرانے کی ضرورت کی قانونی حیثیت پر سوال اٹھایا گیا تھا۔مرکزی حکومت نے ووٹرز رجسٹریشن (ترمیمی) رولز 2022 کو جون 2022 میں مطلع کیا تھا تاکہ ووٹر لسٹ کے ڈیٹا کے ساتھ آدھار نمبر کو لنک کرنے کی اجازت دی جائے۔یہ نوٹیفکیشن الیکشن قوانین (ترمیمی) ایکٹ 2021 کے تحت جاری کیے گئے تھے، جسے پارلیمنٹ نے دسمبر 2021 میں منظور کیا تھا۔
