سروڑی نے ادھم پور-ڈوڈہ نشست کے لیے ڈی پی اے پی امیدوار کے طور پر پرچہ نامزدگی داخل کیا
لازوال ڈیسک
جموں؍؍ چیئرمین ڈی پی اے پی غلام نبی آزاد نے آج کٹھوعہ میں ڈی پی اے پی کے وائس چیئرمین اور ادھم پور ڈوڈہ سے لوک سبھا کے امیدوار جی ایم سروڑی کے لیے کاغذات نامزدگی داخل کرنے کے بعد پارٹی کارکنوں سے خطاب کیا۔ آزاد نے پارٹی امیدوار جی ایم ایس سروڑی کی کامیابی کو یقینی بنانے میں ایک موثر مہم کے اہم کردار پر زور دیا۔ انہوں نے لوگوں کے درمیان اتحاد اور بھائی چارے کی ضرورت ، ووٹروں سے ترقی اور پیشرفت کی حمایت کرنے پر زور دیا۔ انہوں نے کہاکہ جب کوئی زخمی شخص خون کے لیے ہسپتال جاتا ہے تو ڈاکٹروں کو اس کا مذہب نظر نہیں آتا، تو پھر سیاست میں مذہب کیوں نظر آتا ہے؟ اورہمیں ایسے ایم پی امیدوار کو ووٹ دینا چاہیے جو پارلیمنٹ میں عوامی مسائل اٹھائے گا۔ آزاد نے ان اداروں کو شکست دینے کی ضرورت پر زور دیا جو لوگوں کو مذہبی خطوط پر تقسیم کرنا چاہتے ہیں، ساتھ ہی سیاسی جماعتوں کو جو جموں و کشمیر سے متعلق مسائل کو حل کرنے میں ناکام رہی ہیں۔ انہوں نے اپنی حکومت میں مذہبی امتیاز کے خلاف بھی وعدہ کیا۔ آزاد نے کہا کہ پارلیمنٹ میں، دونوں علاقائی پارٹیاں اور کانگریس جموں و کشمیر کے معاملات پر خاموش رہے، انہوں نے کہا کہ قائد حزب اختلاف کے طور پر ان کے دور میں ہی انہوں نے عوام کے خدشات کے لیے آواز اٹھائی تھی۔
انہوں نے اقتدار سنبھالنے پر جموں و کشمیر کے رہائشیوں کے لیے زمین اور ملازمت کے تحفظ کی ضمانت دینے والے قوانین نافذ کرنے کا پختہ عہد کیا۔ انہوں نے تاریخی سیاق و سباق کا حوالہ دیتے ہوئے کہا کہ مہاراجہ ہری سنگھ نے ایسے قوانین متعارف کروائے تھے جو باہر کے لوگوں کو علاقے میں زمین خریدنے یا ملازمت حاصل کرنے سے روکتے تھے۔ انہوں نے کہا کہ مہاراجہ ہری سنگھ ایک وژنری لیڈر تھے جنہوں نے اپنے لوگوں کا دل سے خیال رکھا اور زمین اور ملازمت کے تحفظ کے ساتھ ریاستی سبجیکٹ قانون کی بنیاد رکھی۔آزاد نے کہاکہ آج یہاں تک کہ نچلے درجے کے ملازمین کو باہر سے رکھا جا رہا ہے، جبکہ ہمارے مقامی نوجوان بے روزگار ہیں۔انہوں نے کہاکہ ہم نے پارلیمنٹ میں ریاست کا درجہ حاصل کرنے کے لیے جدوجہد کی، اور ہمیں اس کے حصول تک اپنی کوششوں پر قائم رہنا چاہیے۔
وہیںڈی پی اے پی کے امیدوار جی ایم سروڑی نے ایسے ایم پی کو منتخب کرنے کی اہمیت پر زور دیا جو ترقی کے لیے پرعزم ہو اور لوگوں کے مفادات کے لیے لڑنے کا وعدہ کیا۔ انہوں نے کہامیرا ٹریک ریکارڈ واضح ہے جہاںتین بار ایم ایل اے کے طور پر، میں نے مسلسل عوام کی خدمت کی ہے اور ان کے مفادات کے لیے جدوجہد کی ہے۔ انہوں نے کہا کہمیں پارلیمنٹ میں عوامی مسائل کو حل کرنے کا وعدہ کرتا ہوں، موجودہ ایم پی کا عوام سے رابطہ منقطع ہے، لیکن میں کروں گا۔ انہوں نے کہا کہ ہمیں اسی طرح کام جاری رکھنے کی ضرورت ہے جس طرح آزاد نے بطور وزیر اعلیٰ اور مرکزی وزیر کیا۔اس موقع پر آر ایس چیب جنرل سکریٹری، جگل کشور شرما صوبائی صدر، عبدالمجید وانی جنرل سکریٹری، انیتا ٹھاکر جنرل سکریٹری، ونود مشرا جنرل سکریٹری، چوہدری ہارون کھٹانہ جنرل سکریٹری، سلمان نظامی ترجمان اعلیٰ، چوہدری گھارو رام زونل صدر و دیگران شامل تھے۔
