ممتحن حضرات نے حافظ غلام رسول اور مکتب کے معاونین ومنتنظمین کی عمدہ کارکردگی کو قابل ستائش قراردیا
منظور حسین قادری
سرنکوٹ؍؍ماہ ربیع النور شریف میں مدارس اسلامیہ کے ساتھ ساتھ جماعت اہل سنت صوبہ جموں رجسٹرڈ کی نگرانی میں مکاتب اسلامیہ کے امتحانات بھی انعقاد پذیر ہورہے ہیں مؤرخہ 02 اکتوبر 2022 بروز اتوار بفلیاز بلاک کے تعلیمی زون کے نگران مولانا عبدالرشید علیمی اور مولانا قاری وحافظ سرفراز احمد قاری نے بطور ممتحن ” مکتب گلشن رضا” دندیاں بفلیاز کا ششماہی امتحان لیا جس میں بچوں کی بہتر کارکردگی پر حافظ غلام رسول پیش امام مسجد فاطمتہ الزہرا اور معاون مدرس کی تعلیمی وتدریسی سرگرمیوں کے ثمر آور نتائج پر اطمینان کا اظہار کرتے ہوئے بارک باد پیش کی وہیں مکتب ومسجد کے صدر بھٹو خان اور ارکان انتظامیہ کمیٹی معاونین ومنتنظمین کی حسن کارکردگی کو قابل ستائش قراردیا اور تعلیمی تدریسی سرگرمیوں اور انتظامات کو منطقی انجام تک پہچانے میں بلند حوصلگی کی دعا کی۔
