4اکتوبرکومرکزی وزیرداخلہ امت شاہ کی راجوری ریلی کی تیاریوں پرتبادلہ خیال
عمرارشدملک
راجوری ؍؍4 اکتوبر کے وزیر داخلہ امت شاہ کے راجوری دورہ کو لیکر بھاجپا کے سینئر لیڈر وسیم کوہلی کی قیادت میں راجوری کے ڈاک بنگلو میں بی جے پی کے یوتھ وینگ کی میٹنگ منعقد ہوئی جس میں ضلع صدر یووا مورچا ہریش بھارتی کے ساتھ ساتھ دیگر علاقوں کے بھاجپا کے نوجوان ورکرز بھی موجود تھے۔ اس موقع پر 4 اکتوبر کے پروگرام بھی تبادلہ خیال کیا گیا۔ واضح رہے کہ 4 اکتوبر کو بھارت کے وزیر داخلہ امت شاہ راجوری میں عوامی ریلی سے خطاب فرمائیں گے۔ اس موقع پر وسیم کوہلی نے ذرائع ابلاغ سے بات کرتے ہوئے کہا کہ ملک وزیر داخلہ امت شاہ راجوری کے دورے پر پہنچ رہے ہیں اس لئے خطہ پیر پنچال کی عوام اس ریلی میں بڑھ چڑھ کر حصہ لے۔ انہوں نے کہا کہ آج کی میٹنگ میں ہم نے پارٹی کے نوجوانوں کو اپنے اپنے علاقوں میں لوگوں کو دعوت دینے کے لئے کہا ہے تاکہ لوگ سیلاب کی طرح وزیر داخلہ امت شاہ کی ریلی میں شرکت کریں۔
