ظہیر عباس
منڈی//سنی یوتھ وینگ شاخ منڈی کی جانب سے یومِ علیؓ کا اہتمام کیا گیا تھا۔ جس میں علماءکرام اور شعراءحضرات نے حضرت علی علیہ سلام کی زندگی پر روشنی ڈالی – ذرائع کے مطابق سنّی یوتھ وینگ نے ڈا کبنگلہ منڈی میں حضرت علی علیہ سلام کی ولادت با سعادت کے حوالے سے ایک پر وقار تقریب کا اہتمام کیا گیا تھا ۔جس میں غلام حیدر آتش نے خطاب کرتے ہوئے کہا کہ حضرت علی علیہ سلام کی ولادت تیرہ رجب تیس عام الفیل کو کعبے میں ہوئی جو نہایت پر مسرت و پر وقار دن ہے – انہوں نے کہا کہ حضرت علی علیہ سلام نے دینِ اسلام کی خاطر اپنی پوری زندگی وقف کی ہوئی تھی اور وہ ہر دور میں پیغمبرِ اسلام حضرت محمد مصطفےٰ صلی اللہ علیہِ وآلہ وسلم کے ساتھ ساتھ رہے انہوں نے کہا کہ اسلام کی بقاءکی خاطر جتنی بھی جنگیں ہوئی ،وہ حضرت علی علیہ سلام کی وجہ سے جیتی گئیں اور اسلام ہر دور میں فاتح ہوا اس موقع پر قاری انوار حسین قاری عبدالحسین نے حضرت علی علیہ سلام کی شان میں اپنے بہترین انداز میں منقبتیں پیش کر کے سامعین سے دادو تحسین حاصل کی – تقریب سے الحاج ماسٹر امیر دین ہمدانی نے خطاب کرتے ہویے کہا کہ اللہ نے پوری کائنات کو پنجتن پاک علیہ سلام کے لئے تخلق کیا جن میں نبی کریم حضرت محمد مصطفےٰ صلی اللہ علیہ وآلہ وسلم حضرت علی علیہ سلام، حضرت فاطمہ زہرا سلام اللہ علیہ اور حسنین کریمین ہیں جن کی وجہ سے اسلام کو بقاءحاصل ہویی انہوں نے کہا کہ رسول اکرم نے فرمایا کہ میں علم کا شہر ہوں اور علی اس کے دروازے ہیں اور اگر کسی بھی شخص کو شہر میں داخل ہونا ہے تو وہ پہلے دروازے سے ہو کر آیے انہوں نے مزید کہا کہ علی کی محبت کے بغیر کسی بھی مسلمان کا ایمان مکمل نہیں ہو سکتا اور نہ ہی وہ جنت کا حقدار ہو سکتا ہے تقریب میں انجمن تنظیم المومنین منڈی کے صدر قاسم علی باگن ڈاکٹر غلام عباس افضل حسین شاہ تصدق بانڈے سنی یوتھ وینگ کے تحصیل صدر تسنیم ہمدانی عبدل غنی پٹھان کے علاوہ سیکنڑوں کی تعداد میں محبان اھلبیت نے شرکت کی آخر پر سنی یوتھ وینگ کے صدر اعجاز مدنی نے تمام شرکاء کا شکریہ بجالایا –
