یواین آئی
ممبئی؍؍ممبئی میں بدھ کو کل ہند حج کانفرنس اور حج جائزہ میٹنگ کیساتھ ہی حج 2020 کا آغاز ہوجائے گا ،جس میں ملک بھر کی ریاستی حج کمیٹیوں کے نمائندے شریک ہوں گے اور مرکزی وزیر برائے اقلیتی امور مختار عباس نقوی کی شرکت متوقع ہے جبکہ حج کمیٹی کے کار گزار چیئرمین شیخ جناح نبی مہمان خصوصی کے طور پرشرکت کریں گے ۔حج کمیٹی کے چیف ایکزیکٹیو آفیسر مقصود خان کی اطلاع کے مطابق وزارت اقلیتی امور کے سکریٹری سیلیش مہمان خصوصی اور سعودی عرب کے سفیر برائے ہندڈاکٹر اوصاف سید مہمان اعزازی اور جوائنٹ سکریٹری جے عالم اور جدہ میں ہندوستانی قونصل۔جنرل نوررحمن شیخ کی شرکت کا امکان ہے ۔اس موقع پر صبح 10بجے تا دوپہر ایک بجے افتتاحی پروگرام ہوگا جبکہ یہ سلسلہ شام تک جاری رہیگا ،دوسرے دن بھی حج کے متعلق اور دوران حج ہونے والے مسائلِ پر تبافلہ۔خیال کیا جائیگا۔ویسے حج سیزن 2020 کا آغاز ہوگا تاکہ مختلف کاموں کو وقت سے پہلے مکمل کرلیاجائے ۔
