مقررین نے شرکاء کو کینسر کی سائنس، علامات اور احتیاطی تدابیر سے آگاہ کیا
لازوال ڈیسک
جموں// خواتین کو بااختیار بنانے کے لیے مشن شکتی ڈسٹرکٹ ہب جموں نے شری ماتا ویشنو دیوی نارائنا سپر اسپیشلٹی ہسپتال کے اشتراک سے گورنمنٹ انڈسٹریل ٹریننگ انسٹی ٹیوٹ، آر ایس پورہ میں ایک ہیلتھ کم انٹرایکٹو ٹاک کا انعقاد کیا۔وہیںکینسر کے عالمی دن کے موقع پرڈاکٹر دیپک بھارتی، شری ماتا ویشنو دیوی نارائنا سپر اسپیشلٹی ہاسپٹل کٹرہ کے شعبہ میڈیکل آنکولوجی کے سینئر کنسلٹنٹ نے، بہت سارے تجربے کے ساتھ کالج کے طلباء اور عملے کو مختلف قسم کے کینسر کی سائنس، علامات اور احتیاطی تدابیر سے آگاہ کیا۔ ڈاکٹر دیپک بھارتی نے ایک فکر انگیز لیکچر دیا جو ان کے علم کے وسیع تجربے کی عکاسی کرتا ہے۔وہیںیہ انٹرایکٹو سیشن ڈسٹرکٹ مشن کوآرڈینیٹر مشن شکتی،ڈی ایچ ای ڈبلیو جموں کی رہنمائی میں کامیابی کے ساتھ منعقد ہوا۔وہیںگورنمنٹ آئی ٹی آئی آر ایس پورہ کے پرنسپل نے اس پورے پروگرام کی سہولت فراہم کی اور ڈاکٹر دیپک بھارتی کا اپنے قیمتی تجربے کا اشتراک کرنے اور ڈی ایچ ای ڈبلیو جموں کا گفتگو کا اہتمام کرنے پر شکریہ ادا کیا۔ سیشن کے دوران ہسپتال کی طرف سے میموگرافی اسکریننگ بھی مفت کی گئی۔
