یواین آئی
امراوتی (آندھرا پردیش)؍محکمہ موسمیات نے اتوار کو کہا کہ جنوب مغربی مانسون وسطی بحیرہ عرب کے کچھ اور حصوں، لکشدیپ کے باقی حصوں اور کیرالہ، تمل ناڈو، کرناٹک، رائلسیما اور آندھرا پردیش بقیہ حصوں، جنوب مغربی خلیج بنگال کے باقی حصوں اور وسطی اور شمال مغربی خلیج بنگال کے بیشتر حصوں کی طرف بڑھ رہا ہے۔
یہاں کی روزانہ کی موسم کی رپورٹ میں کہا گیا ہے کہ اگلے دو تین دنوں میں وسطی بحیرہ عرب کے کچھ اور حصوں، کرناٹک کے کچھ اور حصوں، رائلسیما اور ساحلی آندھرا پردیش اور مغربی وسطی اور شمال مغربی خلیج بنگال کے کچھ اور حصوں میں جنوب مغربی مانسون کی مزید پیش قدمی کے لیے حالات سازگار ہیں۔ساحلی آندھرا پردیش اور ملحقہ علاقوں میں سمندری طوفان کی گردش اب جنوبی ساحلی آندھرا پردیش-شمالی تمل ناڈو کے ساحلوں کے ساتھ جنوب مغربی خلیج بنگال میں سطح سمندر سے 1.5 کلومیٹر بلند ہے۔
اس کے زیر اثر اگلے 48 گھنٹوں میں شمالی ساحلی آندھرا پردیش اور یانم میں الگ تھلگ مقامات پر اور جنوبی ساحلی آندھرا پردیش اور رائلسیما میں اگلے 24 گھنٹوں میں بھاری بارش متوقع ہے۔محکمہ موسمیات کے مطابق اگلے پانچ دنوں میں شمالی ساحلی آندھرا پردیش، یانم، جنوبی ساحلی آندھرا پردیش اور رائلسیما میں 30-40 کلومیٹر فی گھنٹہ کی رفتار سے تیز ہواؤں کے ساتھ چند مقامات پر گرج چمک کے ساتھ بارش کا امکان ہے۔
اگلے سات دنوں کے دوران شمالی ساحلی آندھرا پردیش، یانم، جنوبی ساحلی آندھرا پردیش اور رائلسیما میں کئی مقامات پر، چند مقامات یا ایک یا دو مقامات پر ہلکی سے درمیانی بارش یا گرج چمک کے ساتھ بارش کا اندازہ ہے۔گزشتہ 24 گھنٹوں میں ساحلی آندھرا پردیش، یانم اور رائلسیما میں ایک یا دو مقامات پر بارش ہوئی۔رپورٹ میں کہا گیا ہے کہ رائلسیما کے تروپتی میں سب سے زیادہ درجہ حرارت 43.4 ڈگری سیلسیس ریکارڈ کیا گیا۔
