اس سال کا تھیم آئین کے بانیوں کے نظریات اور فیصلہ سازی اور ان کی اپنی تقدیر کی تشکیل میں لوگوں کی طاقت کی دوبارہ تصدیق کرتا ہے: ایل جی سنہا
اس بات کو یقینی بنائیں کہ ہر اہل شہری کو ووٹر لسٹ میں شامل کیا جائے، رجسٹریشن آفس کے اہلکاروں کو جاری کیں ہدایات
لازوال ڈیسک
جموں؍؍لیفٹیننٹ گورنر منوج سنہا نے آج جموں یونیورسٹی کے جنرل زوراور سنگھ آڈیٹوریم میں 14ویں قومی ووٹر ڈے کی تقریب میں شرکت کی۔لیفٹیننٹ گورنر نے سماج کے تمام طبقوں اور انتخابی محکمہ کے افسران کو آسان اندراج کے لیے مبارکباد دی۔انہوں نے مزید کہا کہ میں رجسٹریشن آفس کے تمام افسران سے اپیل کرتا ہوں کہ وہ اس بات کو یقینی بنائیں کہ ہر اہل شہری کو ووٹر لسٹ میں شامل کیا جائے۔لیفٹیننٹ گورنر نے عہدیداروں اور عوام سے قومی یوم رائے دہندگان کا عہد کروایا اور نئے اندراج شدہ ووٹرز کو مبارکباد دی۔انہوں نے خصوصی سمری رول کے دوران جموں و کشمیر میں 2.31 لاکھ نئے ووٹرز کا اندراج کرنے کے لئے محکمہ الیکشن کی کوششوں کی تعریف کی۔اس موقع پر، لیفٹیننٹ گورنر نے گول، جموں میں علاقائی ای وی ایم گودام کا سنگ بنیاد رکھا جس میں 5000 ای وی ایم/ وی وی پی اے ٹی ایس ذخیرہ کرنے کی گنجائش ہے جس پر 6.81 کروڑ روپے کی لاگت سے تعمیر کیا جائے گا۔انہوں نے الیکٹورل رول افسران کو بھی مبارکباد دی اور نئے تعینات ہونے والے الیکشن اسسٹنٹس کو تقرری نامہ بھی دیا۔ہندوستان کے چیف الیکشن کمشنر ایس راجیو کمار نے ایک ویڈیو پیغام کے ذریعے اس موقع پر لوگوں کو مبارکباد دی۔وہیں بی آر شرما، الیکشن کمشنر جے اینڈ کے، اتل ڈلو، چیف سکریٹری اور دیگر سینیر افسران موجود تھے۔اس موقع پر بھارت بھوشن، چیئرمین ضلع ترقیاتی کونسل جموں، ممتاز شہری اور نوجوان بڑی تعداد میں موجود تھے۔
