ڈرائیورکی موت،ڈوڈہ سے تعلق رکھنے والے کنبہ کے6افراد زخمی
یواین آئی
سری نگر؍؍جنوبی کشمیر کے ضلع کولگام کے قصبہ قاضی گنڈ کے لیو ڈورہ علاقے میں سری نگر – جموں قومی شاہراہ جمعہ کی صبح ایک لدوز سڑک حادثے میں ایکو گاڑی کے ڈرائیور کی موت جبکہ ایک ہی کنبے کے 6 مسافر زخمی ہوگئے۔تفصیلات کے مطابق قاضی گنڈ کے لیو ڈورہ علاقے میں جمعہ کی صبح ایک اخروٹ فیکٹری کے نزدیک ایک تیز رفتار ٹرک اور ایکو گاڑی کے درمیان زور دار ٹکر ہوگئی جس کے نتیجے میں ایکو میں سوار ڈرائیور سمیت 7 افراد زخمی ہوگئے۔انہوں نے کہا کہ زخمیوں کو علاج و معالجے کے لئے فوری طور نزدیکی ہسپتال منتقل کیا گیا جہاں موجود ڈاکٹروں نے ان میں سے ڈرائیور کو مردہ قرار دیا۔متوفی ڈرائیور کی شناخت معروف احمد بٹ ولد نیاز احمد بٹ ساکن ڈوڈہ کے بطور ہوئی ہے جبکہ زخمیوں کی شناخت غلام قادر بٹ ولد محمد عبداللہ، محمد نیاز بٹ ولد غلام قادر، ممتاز احمد بٹ ولد غلام قادر بٹ، مبینہ بیگم زوجہ نیاز احمد بٹ، مہوش اختر دختر نیاز احمد بٹ اور ابشہ بانو دختر محمد نیاز ساکنان ڈوڈہ کے بطور ہوئی ہے۔دریں اثنا پولیس نے اس سلسلے میں متعلقہ دفعات کے تحت پولیس اسٹیشن قاضی گنڈ میں ایک کیس درج کرکے تحقیقات شروع کی ہیں۔
