فیروزآباد:25جولائی(یواین آئی) اترپردیش کے ضلع فیروزآباد کے نگلا کھانگر علاقے میں ایک ڈبل ڈیکر بس ٹرک سے ٹکرا گئی جس میں 3افراد کی موت ہوگئی جبکہ 100 سے زیادہ زخمی ہوگئے۔
سپرنٹنڈنٹ آف پولیس(دیہات) رن وجئے سنگھ نے بتایا کہ یہ واقعہ بدھ کی رات اس وقت پیش آیا جب بہرائچ سے دہلی جارہی بس آگرہ۔ لکھنؤ ایکسپریس وے پر ایک بالولدے کھڑے ٹرک سے ٹکرا گئی۔ حادثے کے وقت بس میں تقریبا 150 مسافر سوار تھے جن میں سے 100 مسافروں کی چوٹیں آئی ہیں۔
انہوں نے کہا کہ زخمیوں کو شکوہا آباد اور سیفئی میڈیکل کالج میں داخل کرایا گیا ہے۔ جبکہ بس ڈرائیور عرفان کی موقع پر ہی موت ہوگئی وہیں دو مسافروں نے دوران علاج دم توڑ دیا۔
سنگھ نے بتایا کہ بس میں سوار بقیہ مسافروں کے لئے گاڑیوں کا انتظام کر کے انہیں دہلی کے لئے روانہ کردیا گیا۔چیف میڈیکل افسر فیروزآباد نے اسپتال کا معائنہ کیا اور زخمیوں کے علاج کا حکم دیا ہے۔
