ایل جی انتظامیہ سے واپسی پر خواطر خواہ انتظامات کو یقینی بنانے پر زور
لازوال ڈیسک
سرینگر؍؍ڈیموکریٹک پروگریسو آزاد پارٹی (ڈی پی اے پی) کے چیئرمینغلام نبی آزاد نے بدھ کو حج 2023 کے عازمین کو مقدس اور روحانی زیارت کے کامیاب انعقاد پر مبارکباد دی۔آزاد نے ایک بیان میں کہا’’میں حج کو کامیابی سے مکمل ہونے پر مبارکباد پیش کرتا ہوں،روحانی اور مقدس سفر ان کے لیے ایک جذباتی اور جسمانی چیلنج تھا جس نے ان کے صبر اور مزاج کا امتحان لیا۔ آزاد نے بیان میں کہا کہ اسلام کے پانچ ستونوں میں سے ایک حج ہمیں اتحاد، بھائی چارے اور قربانی کا درس دیتا ہے۔آزاد نے کہا، "حج ہمارے اندر اخلاق، قربانی، روحانی سکون اور نظم و ضبط کا جذبہ پیدا کرتا ہے۔ آئیے ہم سب اس مقدس سفر کی قبولیت کے لیے دعا کریں‘‘۔سابق وزیر اعلیٰ جنہوں نے سری نگر کے بمنہ میں جموں و کشمیر کا واحد حج ہاوس قائم کیا، نے جموں و کشمیر میں ایل جی انتظامیہ سے کہا کہ وہ حجاج کی واپسی پر تمام مطلوبہ سہولیات بشمول ٹرانسپورٹ فراہم کرکے ان کاسرینگر ائر پورٹ پر استقبال کرے‘۔
