سابق سپرنٹنڈنٹ انجینئر پی ایم جی ایس وائی سرکل بارہمولہ کے خلاف کیس درج ،تین اضلاع میں تلاشی کارروائیاں
سی این آئی
سرینگر // اینٹی کرپشن بیورو جموں کشمیر نے غیر منا سب اثاثہ جات کے معاملے میں سپرنٹنڈنٹ انجینئر پی ایم جی ایس وائی سرکل بارہمولہ کے خلاف کیس درج کرکے تین اضلاع میں تلاشی کارروائیاں انجام دی ہے ۔ سی این آئی کے مطابق اینٹی کرپشن بیورو جموں کشمیر نے اپنی کارورائی جاری رکھتے ہوئے سپرنٹنڈنٹ انجینئر پی ایم جی ایس وائی سرکل بارہمولہ کے خلاف غیر متناسب اثاثہ جات کا مقدمہ درج کیا ہے اور سرینگر، پلوامہ اور جموں میں تلاشی بھی لی ہے۔اے سی بی کے ایک بیان میں کہا گیا ہے کہ اے سی بی نے ایک سرکاری ملازم محمد ایوب وانی ولد عبدالاحد وانی رہائشی ریلوے کالونی نیہامہ پلوامہ سابقہ سپرنٹنڈنٹ انجینئر پی ایم جی ایس وائی سرکل بارہمولہ (اب ریٹائرڈ)کے ذریعہ جمع کردہ غیر متناسب اثاثوں کے حصول کے الزامات میں ایف آئی آر درج کی ہے۔بیان میں کہا گیا’’ مشتبہ کے پاس غیر منقولہ/منقولہ اور لاکھوں روپے مالیت کے سونے کے زیورات خریدے گئے دونوں بڑے اثاثے ہیں۔ تصدیق کے دوران اثاثے اس کے معلوم ذرائع آمدن سے غیر متناسب پائے گئے۔اس میں مزید کہا گیا کہ مذکورہ سرکاری ملازم کی جانب سے کوتاہی اور کمیشن ایکٹ کے تحت قابل سزا جرم ہیں۔ اسی مناسبت سے، بیان میں کہا گیا ہے کہ اے سی بی پولیس اسٹیشن سرینگر میں ایک مقدمہ FIR نمبر 05/2024درج کیا گیا ہے اور مزید تفتیش شروع کی گئی ہے۔جس کے بعد عدالت سے سرچ وارنٹ حاصل کرنے کے بعد، بیک وقت 03 الگ الگ مقامات مثلا آفندی باغ راولپورہ سرینگر میں رہائشی مکان، ریلوے کالونی نہامہ پلوامہ میں رہائشی مکان اور سینک کالونی، جموں میں واقع ’’انسل ٹاور‘‘میں فلیٹ کی تلاشی لی گئی۔ بیان میں کہا گیا ہے کہ تلاشی کے دوران مجرمانہ مواد بشمول ریونیو کے کاغذات، اور فنانس/بینک دستاویزات وغیرہ برآمد کیے گئے اور فوری کیس میں ثبوت کے طور پر ضبط کیے ہیں جبکہ کیس کی مزید تفتیش جاری ہے۔
