’’ میری مٹی ، میرا دیش‘‘ کی تقریبات کے موقعہ پر ’ وِلیج ہاٹ ‘ کا اِفتتاح کیا
کپواڑہ؍؍ضلع ترقیاتی کمشنر کپواڑہ آیوشی سوڈان نے مقامی ورثے اور ثقافت کو فروغ دینے کی طرف ایک اہم پیش رفت کے تحت آج کپواڑہ میں ’’ آزادی کا اَمرت مہااُتسو‘‘ کی تقریبات اور ’’ میری ماں ، میرا دیش‘‘ مہم کی جاری تقریبات کے موقعہ پر ’وِلیج ہاٹ‘ کا اِفتتاح کیا۔ یہ اَقدام ضلع اِنتظامیہ ، محکمہ سیاحت ، ہینڈ لوم ، ہینڈی کرافٹ ، باغبانی ، زراعت اور میونسپل کمیٹی کپواڑہ کے درمیان ایک مشترکہ کوشش تھی جس کا مقصد سیاحوں کو علاقے کی متحرک ثقافت اور بھرپور ورثے میں ایک عمیق تجربہ فراہم کرنا ہے۔ضلع ترقیاتی کمشنر نے افتتاح کے بارے میں اپنے جوش و خروش کا اظہار کیا اور کہا کہ ’ولیج ہاٹ‘ کپواڑہ کے بھرپور ثقافتی ورثے کے جوہر کو محفوظ رکھنے اور اسے منانے کے ہمارے عزم کا ثبوت ہے۔ اُنہوں نے کہا،’’ ہم سیاحوں کو دیر پا سفر میں شامل ہونے کی دعوت دیتے ہیں جو ہماری روایات، ذائقوں اور فنکارانہ تاثرات کو ظاہر کرتا ہے۔‘‘اُنہوں نے مزید کہا کہ جیسا کہ ’’آزادی کا امرت مہااُتسو‘‘ ہندوستان کی آزادی کے 75 ویں سال کی یاد میں قوم کو متحد کرنے کا سلسلہ جاری رکھے ہوئے ہے، وِلیج ہاٹ ثقافتی خوشحالی کی روشنی کے طور پر کھڑا رہے گاجو سبھی کو روایت اور جدیدیت کی تقریبات میں شرکت کی دعوت دیتا ہے۔ یہ بات قابلِ ذِکر ہے کہ اس نئے افتتاح شدہ ’وَلیج ہاٹ‘ نے تمام سیاحوں کے لئے ایک دِلفریب اورمتاثر کن سفر کا وعدہ کیا ہے جس میں مقامی ثقافت، لذیذ ضیافتوں، دلکش نظاروں، اور سریلی، رَس بھرا اور مدھر لائیو موسیقی پیش کی گئی ہے۔ اس کی متنوع پیش کشوں میں شاندار مقامی ہینڈی کرافٹ اور ہینڈ لوم مصنوعات کی نمائش شامل ہے جوسیاحوں کو کپواڑہ علاقے کی فنکارانہ صلاحیتوں کو دیکھنے کی طرف راغب کردیتی ہے۔’وَلیج ہاٹ‘ کے مرکز میں نامیاتی زرعی مصنوعات کی نمائش کا عزم ہے جو علاقے کے زرعی جوہر کی عکاسی کرتا ہے۔سیاحوںکو دیرپا طریقوں اور مقامی سورسنگ کے ذریعے اعلیٰ معیار کی نامیاتی پیداوار کی تلاش کرنے کا موقع ملے گا۔اِفتتاحی تقریب میں اے ڈی سی کپواڑہ ، ڈی آئی او، ایگزیکٹیو اِنجینئرایل بی بی ڈی اے ، سی ایچ او، سی اے او ، اِی او ایم سی ، تحصیل دار کپواڑہ اور اے ڈی ہینڈ لوم اینڈ ہینڈی کرافٹ نے شرکت کی۔
