، 5 نومبر (اسپوتنك) چین کے صدر شی جن پنگ نے ہانگ کانگ میں جاری حکومت مخالف مظاہروں کے درمیان ہانگ کانگ کی اعلیٰ لیڈر کیری لام سے بیجنگ میں ملاقات کی ۔نیوز ایجنسی ژنہوا کے مطابق یہ ملاقات پیر کے روز چین کے دوسرے انٹر نیشنل امپورٹ ایکسپو سے پہلے کی گئی ۔ ایکسپو شنگھائی میں منگل سے شروع ہو رہا ہے ۔ اس ملاقات میں انہوں نے محترمہ کیری کی حمایت کی۔رپورٹوں کے مطابق میٹنگ میں مسٹر جن پنگ نے ہانگ کانگ میں کئی ماہ سے حوالگی قانون کے معاملے میں جاری حکومت مخالف مظاہروں پر تبادلہ خیال کیا ۔ میٹنگ میں مسٹر جن پنگ نے محترمہ کیری کی طرف سے ہانگ کانگ میں امن برقرا ر رکھنے اور حالات کو قابو میں کرنے کے لئے کئے گئے اقدامات کی تعریف کی۔ واضح ر ہے کہ ہانگ کانگ میں لوگ اس بل کی مخالفت کر رہے ہے جس میں اگر ہانگ کانگ کا کوئی شخص چین میں کوئی جرم کرتا ہے یا احتجاجی مظاہرہ کرتا ہے تو اس کے خلاف ہانگ کانگ میں نہیں بلکہ چین میں مقدمہ چلایا جائے گا ۔ مسلسل جاری مظاہروں کو مد نظر رکھتے ہوئے ہانگ کانگ کی حکومت نے بل واپس لے لیا تھا لیکن مظاہرے پوری طرح ختم نہیں ہوئے ہیں ۔مظاہرین ہانگ کانگ میں جمہوری نظام کو مزید مضبوط کرنے کے مطالبے کے سلسلے میں ابھی بھی مظاہرے کر رہے ہیں
