اہم عہدوں پر پارٹی کی خدمت کا موقع فراہم کرنے کے لئے کا شکریہ ادا کیا،کانگریس پارٹی کو مضبوط کرنے کے عزم کا اعادہ کیا
لازوال ڈیسک
دہلی؍؍ اے آئی سی سی کے نئے مقرر کردہ سکریٹری اور اڈیشہ کے انچارج شاہنواز چودھری نے اے آئی سی سی صدر شری ملک ارجن کھڑگے اور اے آئی سی سی جنرل سکریٹری (تنظیم) سے اے آئی سی سی ہیڈکوارٹر، نئی دہلی میں ملاقات کی۔انہوں نے اہم عہدوں پر پارٹی کی خدمت کا موقع فراہم کرنے کے لئے ان کا شکریہ ادا کیا اور انہیں یقین دلایا کہ وہ اوڈیشہ میں کانگریس پارٹی کو مضبوط کرنے میں کوئی کسر نہیں چھوڑیں گے۔ انہوں نے پارٹی قیادت کے ساتھ اڈیشہ کی سیاسی صورتحال پر بھی تبادلہ خیال کیا اور بعد میں اڈیشہ کے لیے روانہ ہوئے جہاں بھونیشور ہوائی اڈے پر پارٹی رہنماؤں اور کارکنوں نے ان کا استقبال کیا۔ انہوں نے پی سی سی صدر سرت پٹنائک اور ریاست کے دیگر قائدین سے ملاقات کی۔ انہوں نے بھارت جوڑو نیائے یاترا کی تیاریوں کا جائزہ لیا جو آنے والے دنوں میں اڈیشہ میں داخل ہوگی۔اس موقع پراوڈیشہ کانگریس کے مقامی قائدین نے ان کا استقبال کیا۔وہیں چودھری نے اوڈیشہ پی سی سی کے تنظیمی ڈھانچے اور سرگرمیوں کا بھی جائزہ لیا۔
