سینکڑوں افراد نے کی شرکت،مفت طبی کیمپ سے استفادہ حاصل کیا
لازوال ڈیسک
ہمچی پورہ پوشکر کھاگسی ای او انڈیا، ایک غیر سرکاری رضاءکار تنظیم نے ہمچی پورہ پوشکر کھاگ میں ایک کمیونٹی میڈیکل کیمپ کا کامیابی سے انعقاد کیا، جس میں سینکڑوں رہائشیوں کو مفت طبی خدمات اور صحت کی دیکھ بھال سے متعلق آگاہی فراہم کی گئی۔اس کیمپ نے متعدد خدمات کی پیشکش کی، بشمول مفت طبی مشاورت، صحت کی جانچ، ادویات کی تقسیم، صحت سے متعلق آگاہی کے سیشن، اور خصوصی دیکھ بھال کے لیے ریفرل خدمات اس دوران فراہم کی گئیں۔وہیں ماہر ڈاکٹروں کی ایک ٹیم جس میں ایک جنرل فزیشن، پیڈیاٹریشن، گائناکالوجسٹ، آرتھوپیڈک سرجن اور ڈینٹسٹ شامل تھے، نے مستفید ہونے والوں کو ماہرانہ نگہداشت فراہم کی۔
تاہم کیمپ میں مفت تشخیصی ٹیسٹ، عام بیماریوں کے لیے ادویات، صحت سے متعلق تعلیمی مواد، اور مریضوں اور حاضرین کے لیے ریفریشمنٹ بھی پیش کی گئی۔ وہیںہدف سے مستفید ہونے والوں میں ہمچی پورہ پوشکر کھاگ اور آس پاس کے علاقوں کے رہائشی شامل تھے۔اس اقدام کا مقصد صحت کی معیاری خدمات کو کمیونٹی کی دہلیز تک پہنچانا، دیہی باشندوں میں صحت اور تندرستی کو فروغ دینا تھا۔دریں اثناءسی ای ای او انڈیا کی کوششوں کو کمیونٹی کی طرف سے بڑے پیمانے پر سراہا گیا، اور تنظیم نے مستقبل میں اس طرح کے اقدامات کو جاری رکھنے کا عزم کیا۔
