لازوال ڈیسک
سرینگر؍؍ اپنی پارٹی کے سربراہ سید محمد الطاف بخاری نے آج پارٹی کے ضلع صدر سرینگر نور محمد شیخ کی نانی کے انتقال کے سلسلے میں سوگوار کْنبے کے گھر جاکر لواحقین سے اظہار تعزیت کیا۔ علاوہ اسکے اپنی پارٹی کے قائد نے سرینگر کے احمد نگر بڑھ پورہ میں واقع مظفر احمد شال کے گھر جاکر موصوف کی والدہ کے انتقال کے سلسلے میں تعزیت کا اظہار کیا۔ اس دورے کے دوران سید محمد الطاف بخاری کے ہمراہ پارٹی کے بعض لیڈران اور سینئر کارکنان تھے۔
پارٹی کی جانب سے جاری کردہ ایک بیان کے مطابق سید محمد الطاف بخاری تنظیم کے ضلع صدر سرینگر نور محمد شیخ سے ان کی نانی کے انتقال پر تعزیت کی۔ موصوفہ نورہ بیگم زوجہ مرحوم خضر محمد بٹ کا انتقال جمعہ کو اْن کے گھر واقع مجہ گنڈ سرینگر میں ہوا۔ اس کے علاوہ، اپنی پارٹی کے صدر، معزز پارٹی رہنماؤں کے ایک وفد کے ساتھ، کنٹریکٹر مظفر احمد شال کی احمد نگر بچھ پورہ رہائش گاہ پر گئے اور موصوف کی والدہ کے انتقال پر تعزیت پیش کی۔سید محمد الطاف بخاری نے سوگوار خاندانوں سے ملاقات کی اور ان کے ناقابل تلافی نقصان پر تعزیت کا اظہار کیا۔ انہوں نے مرحومین کے حق میں دعائے مغفرت کی۔
ان تعزیتی دوروں کے دوران پارٹی کے سرکردہ رہنمائوں اور سینئر کارکنان جو پارٹی صدر کے ہمراہ تھے ان میں پارٹی کے ریاستی کنوینر حاجی پرویز احمد بٹ، سینئر رہنما عمر جام، چھانہ پورہ حلقہ کے پارٹی انچارج محمد اشرف ڈار، سینئر رہنما اعجاز احمد خان، ضلع نائب صدر سرینگر اعجاز احمد راتھر، پارٹی کی یوتھ ونگ کے نائب ضلع صدر مظفر علی، زون یوتھ صدر حلقہ چھانہ پورہ ارشاد احمد شاہ، سینئر لیڈر نیاز احمد ڈار، زون نائب صدر چھا پورہ حلقہ امتیاز احمد شیخ، سینئر لیڈر عرفان زرگر، وارڈ صدر چھانہ پورہ حلقہ کے صدر نذیر احمد ڈار، وارڈ صدر چھانہ پورہ محمد مقبول ڈار، وارڈ صدر محمد وسیم ڈار، سینئر ورکر ظہور احمد خان، سینئر ورکر فاروق احمد خان، پارٹی ہیڈ کوارٹر میں صدر دفتر کے انچارج توصیف بشیر، اور دیگر لیڈران تھے۔
