فوج پاکستانی سرحد پر نگرانی بڑھانے کیلئے 18 مئی کو پہلا ہرمیس900 ڈرون حاصل کرے گی
سی این آئی
سرینگر // سرحد پار سے دراندازی کے خطرات اور ڈرون کی بڑھتی سرگرمیوںکو روکنے کیلئے بھارت نے پاکستانی سرحد کے ساتھ اپنی نگرانی کی صلاحیتوں میں نمایاں اضافہ کرتے ہوئے فوج 18 مئی کو پہلاہرمیس 900 سٹارلائنر ڈرون حاصل کرنے والی ہے۔سی این آئی کے مطابق پاکستان کی جانب سے سرحدوں پر دراندازی کی مسلسل کوششیں اور ڈرون کی بڑھتی سرگرمیو ں کے بیچ فوج پہلاہرمیس 900 سٹارلائنر ڈرون حاصل کرنے والی ہے ۔ ہرمیس900 جسے درشٹی10 ڈرون کہا جاتا ہے، ہندوستانی افواج بشمول آرمی اورنیویکو فراہم کیا جا رہا ہے۔ دفاعی حکان نے بتایا کہ ہندوستانی فوج کی طرف سے حاصل کیے جانے والے دو ڈرونز میں سے پہلا 18 مئی کو حیدر آباد میں فورس کے حوالے کیا جائے گا۔ یہ سامان وزارت دفاع کی طرف سے افواج کو دیے گئے ہنگامی اختیارات کے تحت دستخط کیے گئے معاہدے کا حصہ ہے۔ ان کا کہنا تھا کہ بھارتی فوج اپنے بھٹنڈا اڈے پر ڈرونز تعینات کرے گی جہاں سے وہ پاکستان کے ساتھ پوری مغربی سرحد پر نظر رکھ سکے گی۔پہلا ہرمیس900 اس سال جنوری میں ہندوستانی بحریہ کو دیا گیا تھا۔ دوسرا ڈرون فوج لے رہی ہے۔ مزید یہ کہ، تیسرا اب بحریہ کو فراہم کیا جائے گا اور چوتھا فوج کو جائے گا۔ہندوستانی فوج نے فرم سے ان میں سے دو ڈرون کیلئے ہنگامی دفعات کے تحت آرڈر دیے ہیں جن میں کہا گیا ہے کہ دکانداروں کے ذریعہ فراہم کیے جانے والے نظام 60 فیصد سے زیادہ مقامی ہونے چاہئیں
