پولیس سانبہ ضلع میں منشیات کے کاروبار میں ملوث تمام افراد کو پکڑنے کے لیے کام پر ہے:ایس ایس پی بینم توش
لازوال ڈیسک
سانبہ؍؍سانبہ پولیس نے آج حکومت میں سی ا ے پی کے تحت منشیات سے متعلق آگاہی پروگرام کا انعقاد کیا۔وہیں تھانہ وجئے پور کے دائرہ اختیار میں واقع گرلز ہائیر سیکنڈری سکول جاکھ میں منعقدہ اس تقریب میں کئی سرکاری سکولوں کی سینکڑوں طلباء ، والدین، اساتذہ، ممتاز شہریوں اور پولیس افسران نے تقریری مقابلہ دیکھا۔اس موقع پرایس ایس پی سانبہ بینم توش، ایڈیشنل ایس پی سانبہ سریندر چودھری، ایس ڈی پی او وجئے پور روہت کمار اور ایس ایچ او تھانہ وجئے پور سندیپ چاڑک نے نے شرکت کی اور تقریری مقابلے کے فاتحین میں انعامات تقسیم کئے۔اس موقع پر مقررین نے منشیات کے متعلق اپنی رائے کا اظہار کیا۔وہیںسینئر سپرنٹنڈنٹ آف پولیس سانبہ بینم توش نے کہا کہ پولیس طلباء کو منشیات کی لعنت سے بچانے کے لیے احتیاطی حکمت عملی کے طور پر اسکولوں اور کالجوں میں آگاہی پروگرام منعقد کررہی ہے، یہاں تک کہ منشیات فراہم کرنے والوں، اسمگلروں اور پیڈلرز کے خلاف سخت قانونی کارروائی جاری ہے۔ ایس ایس پی نے کہا کہ پولیس سانبہ ضلع میں منشیات کے کاروبار میں ملوث تمام افراد کو پکڑنے کے لیے کام پر ہے اور سانبہ ضلع میں کسی کو بھی منشیات کی غیر قانونی اسمگلنگ، سپلائی اور پیڈلنگ کے ساتھ پنپنے کی اجازت نہیں دی جائے گی۔
