مرکز جموں و کشمیر کو ریاست کا درجہ بحال کرنے پر غور کر رہا ہے:سیتا رمن
لازوال ڈیسک
نئی دہلی؍؍مرکزی وزیر خزانہ نرملا سیتا رمن نے آج اشارہ دیا کہ مرکز جموں و کشمیر کو ریاست کا درجہ بحال کرنے پر غور کر رہا ہے۔انہوں نے 14ویں مالیاتی کمیشن کی سفارشات کے مطابق مرکز کے ذریعہ ریاستوں کو فنڈز کی تقسیم کے بارے میں بات کرتے ہوئے اس کا اشارہ دیا۔یہاں مرکز اور ریاستی تعلقات پر ایک لیکچر دیتے ہوئے سیتا رمن نے کہا کہ وزیر اعظم نریندر مودی نے بغیر کسی ہچکچاہٹ کے 14 ویں مالیاتی کمیشن کی سفارش کو 2014-15 میں قبول کیا تھا کہ تمام ٹیکسوں کا اس وقت32 فیصد سے بڑھ کر ا 42 فیصد ہونا چاہئے۔اس فائنانس کمیشن نے کہا کہ اب اسے بڑھا کر 42 فیصد کریں گے۔جس کا مطلب ہے کہ مرکز کے پاس اس سے کم رقم ہوگی۔ وزیر اعظم مودی نے بغیر سوچے سمجھے فنانس کمیشن کو مکمل طور پر قبول کر لیا اور یہی وجہ ہے کہ آج ریاستوں کو رقم کا 42 فیصد ملتا ہے، اب 41 فیصد کم ہو گیا ہے کیونکہ جموں و کشمیر اب ریاست نہیں ہے۔ اگست 2019 میں، مرکزی حکومت نے آئین کے آرٹیکل 370 کو منسوخ کر دیا تھا جس نے جموں و کشمیر کو خصوصی درجہ دیا تھا، اور ریاست کو مرکز کے زیر انتظام علاقوں میں تقسیم کر دیا تھا۔
