ملک شاکر
بانہال؍؍ روشنی فاؤنڈیشن، ایک رضاکار تنظیم گورنمنٹ گرلز ہائی سکول چریل میں خواتین کے عالمی دن کا اہتمام کرتی ہے۔8 مارچ 2023 کو گورنمنٹ گرلز ہائی سکول چریل اور ایزون انفو ٹیک بانہال میں تحصیل صدر و صدر وومن سیل حینا لطیف کی زیر نگرانی خواتین کا عالمی دن بڑے جوش و خروش کے ساتھ منایا گیا۔یوم خواتین کو منانے کا مقصد – حیثیت کے بارے میں بیداری پیدا کرنا ہے اوراس موقع پر خطاب کرتے ہوئے طالبات میں خواتین کا وقار، حینا لطیف نے خواتین کو بااختیار بنانے پر زور دیا اور طالبات کو مضبوط قوت ارادی کے ذریعے اپنی زندگی میں اپنے مطلوبہ مقصد کو حاصل کرنے کی ترغیب دی، انہوں نے عالمی لمحات میں خواتین کی مجموعی ترقی دنیا کے ساتھ ساتھ معاشرے کی بہتری کے لیے کردار کو یاد کیا۔ ۔پروگرام کی اینکرنگ آئیزون انفوٹیک کی ایک طالبہ نے کی، اس موقع پر طالبہ شافعہ منظور، ارم وانی، اکلیمہ وانی، عادل نثار نے خواتین کے عالمی دن کے موضوع پر اظہار خیال کیا۔ رضاکار فردوس احمد ملک نے بھی یوم خواتین کے حوالے سے مختصر تفصیل بتائی۔پروگرام میں ہیڈ ماسٹر گورنمنٹ گرلز ہائی سکول چریل بشمول منظور احمد رضا کار اشتاق احمد ڈار، ممبر مہران وانی اور رضاکار عظمیٰ بانو نے بھی شرکت کی۔آخر میں طلباء میں تعریفی اسناد اور میڈلز تقسیم کئے گئے۔
