طلباء کو ان کے ووٹنگ کے حقوق اور اس کی اہمیت سے آگاہ کیا گیا
لازوال ڈیسک
کٹھوعہ؍؍سویپ2024کے بینر تلے جی ڈی سی بنی میں ووٹنگ کے فوائد اور نقصانات جیسے موضوعات پر ایک گروپ ڈسکشن کا انعقاد کیا گیا۔ اس گروپ ڈسکشن کا بنیادی مقصد طلباء کو ان کے ووٹنگ کے حقوق اور اس کی اہمیت سے آگاہ کرنا تھا۔ اس تقریب کا اہتمام کالج پرنسپل پروفیسر (ڈاکٹر) منیشا سروپ کوہلی کی سرپرستی میں کیا گیا تھا۔
وہیں تقریب کی نظامت این ایس ایس پروگرام آفیسر نے کی۔تاہم پروفیسر نصیب بھگت نے اس سیشن کی افتتاحی تقریر کی اور مضبوط جمہوریت کے لیے ووٹروں کی زیادہ سے زیادہ شرکت پر زور دیا۔اس موقع پر ڈاکٹر نشا دیوی، پروفیسر پوجا، پروفیسر عشرت بانو، پروفیسر سندیپ شان، پروفیسر سندیپ کمار پروفیسر نسیم بھی موجود تھے۔اس سیشن میں 24 طلباء نے حصہ لیا اور ووٹنگ کی اہمیت پر اپنے خیالات پیش کئے۔
