صحت مند جسم اور صحت مند ذہن ہمیشہ ساتھ ساتھ چلتے ہیں:پروفیسر شجاعت خان
لازوال ڈیسک
ہیرا نگر؍؍ جی ایل ڈی ایم جی ڈی سی ہیرا نگر میں کھیلوں کے قومی دن کی مناسبت سے ایک بیداری پروگرام کا انعقاد کیا گیا۔واضح رہے قومی کھیلوں کا دن ہر سال 29 اگست کو ہاکی کے عظیم کھلاڑی میجر دھیان چند کی یاد میں منایا جاتا ہے جنہیں عام طور پر ہاکی کا جادوگر کہا جاتا ہے۔ یہ دن میجر دھیان چند کی زندگی کو متاثر کرنے اور اس پر غور کرنے اور ہاکی کے کھیل میں ان کی لگن اور کھیل سے متاثر ہونے کے لیے منایا جاتا ہے۔ یہ دن تمام عمر کے گروہوں اور جنسوں کے لیے کھیلوں اور جسمانی فٹنس کی اہمیت کو بھی ظاہر کرتا ہے۔وہیںپروگرام کی صدارت پروفیسر شجاعت خان نے کی جنہوں نے کہا کہ صحت مند جسم اور صحت مند ذہن ہمیشہ ساتھ ساتھ چلتے ہیں۔اس موقع پر ٹیبل ٹینس، بیڈمنٹن، کیرم، ٹگ آف وار، اور دیگر تفریحی کھیل جیسے کئی کھیلوں کے مقابلے منعقد ہوئے۔وہیں طلباء نے تمام کھیلوں میں زبردست جوش و خروش کا مظاہرہ کیا۔ وہیںان کھیلوں میں بہت سے اساتذہ نے بھی حصہ لیا۔ تاہم کھیل کے تمام شرکاء اور جیتنے والوں میں میڈلز تقسیم کیے گئے۔
